(ពិភពលោក)៖ នៅថ្ងៃសៅរ៍ ទី១២ ខែឧសភា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ មហាយក្សចិន បញ្ជូនកងយន្តហោះចម្បាំង ទៅល្បាតដែនសមុទ្រ Bashi ដែលប្រៀបដូចជាសារព្រមានបន្ថែមដល់កោះតៃវ៉ាន់។
២៖ ការបោះឆ្នោតសភាជាលើកដំបូងរបស់ប្រទេសអ៊ីរ៉ាក់ ចាប់ផ្ដើមនៅថ្ងៃនេះក្រោយ ISIS ដួលរលំទៅ។
៣៖ អតីតនាយករដ្ឋមន្ត្រីម៉ាឡេស៊ី លោក ណាជីប ប្រកាសលាលែងពីតំណែងប្រធានគណបក្ស។
៤៖ អង្គការ NASA ត្រៀមបាញ់បង្ហោះឧទ្ធម្ភាគចក្រមួយគ្រឿង ទៅភពអង្គារនៅឆ្នាំ២០២០។
៥៖ ឧទ្ធម្ភាគចក្រយោធាប្រទេសតួកគី បញ្ចេញសមត្ថភាព ក្នុងអំឡុងនៃការធ្វើសមយុទ្ធ EFES 2018 ដែលប្រព្រឹត្តទៅនៅក្រុង Seferihisar លើផ្ទៃសមុទ្រ Aegean។
៦៖ ផ្សាររាត្រីដែលមានលក់មុខទំនិញយ៉ាងសម្បូរបែប នៅទីក្រុង Richmond ប្រទេសកាណាដា ចាប់ផ្តើមបើកទទួលស្វាគមន៍អតិថិជន។
៧៖ ទីបំផុតកូរ៉េខាងជើង ប្រកាសថានឹងរៀបចំពិធីរុះរើទីតាំងធ្វើតេស្តនុយក្លែអ៊ែរចោល នៅចន្លោះថ្ងៃទី២៣និង២៥ ខែនេះ។
