(ពិភពលោក)៖ នៅថ្ងៃសៅរ៍ ទី០៥ ខែឧសភា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ នៅនូវែលសេឡង់ កសិករម្នាក់ភ្ញាក់ផ្អើលនឹងរណ្តៅដីដ៏ធំក្នុងទីក្រុង Rotorua ដែលបង្កឡើងដោយគ្រោះធម្មជាតិ។
២៖ រដ្ឋកាលីហ្វញ៉ារបស់សហរដ្ឋអាមេរិក ផ្លោះរំលងចក្រភពអង់គ្លេស ឡើងជាមហាយក្សសេដ្ឋកិច្ចលេខ០៥ លើពិភពលោក។
៣៖ លោក ដូណាល់ ត្រាំ នៅតែគាំទ្រពេញទំហឹង ចំពោះសិទ្ធិប្រើប្រាស់កាំភ្លើងក្នុងប្រទេស ដរាបណាលោកនៅជាប្រធានាធិបតី។
៤៖ សហរដ្ឋអាមេរិក ត្រៀមពង្រាយកងនាវាទី២ឡើងវិញ នៅអាត្លង់ទិកខាងជើង ដើម្បីទប់ទល់ឥទ្ធិពលរុស្ស៊ី។
៥៖ នាឡិកានៅស្ថានីយរដ្ឋភ្លើងទីក្រុងព្យុងយ៉ាង បង្ហាញពីម៉ោង ដែលទើបតែត្រូវបានប្តូរឲ្យដើរត្រូវជាមួយម៉ោងរបស់កូរ៉េខាងត្បូងវិញ។
៦៖ ជនស៊ីវិល១១នាក់ រួមមានទាំងកុមារ ទទួលរងរបួសក្នុងហេតុការណ៍ផ្ទុះ នៅខេត្តភាគខាងកើតប្រទេសអាហ្វហ្គានីស្ថាន។
៧៖ សារមន្ទីរត្បូងពេជ្រនៃទីក្រុង Antwerp ដែលបង្កប់រឿងរ៉ាវគួរឲ្យស្វែងយល់ និងប្រវត្តិរាប់ពាន់ឆ្នាំ នៃត្បូងពេជ្រ-គ្រឿងអលង្ការ ចាប់ផ្តើមបើកទទទួលស្វាគមន៍ភ្ញៀវចូលទស្សនា នៅប្រទេសបែលហ្សិក៕
