(ពិភពលោក)៖ នៅថ្ងៃសៅរ៍ ទី២៨ ខែមេសា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ មូលហេតុនៃសោកនាដកម្មធ្លាក់យន្តហោះ ស្លាប់ក្រុមកីឡាករបាល់ទាល់ប្រេស៊ីល៧១នាក់ នៅកូឡុំប៊ីកាលពីឆ្នាំ២០១៦ ត្រូវបានគេទម្លាយថាដោយសារការអស់សាំង។
២៖ ក្រោយផ្ទុះម៉ាស៊ីនយន្តហោះសម្លាប់អ្នកដំណើរម្នាក់ ក្រុមហ៊ុនអាកាសចរណ៍អាមេរិក Southwest ត្រូវអ្នកដំណើរដាក់ពាក្យបណ្តឹង។
៣៖ អធិការបតីអាល្លឺម៉ង់ ស្ពាយសំណូមពរធំៗមកកាន់សេតវិមានអាមេរិក ដើម្បីសុំលោក ដូណាល់ ត្រាំ ជួយគាំទ្រ ប៉ុន្តែផ្ទុយទៅវិញមានការខ្វែងគំនិតគ្នាស្ទើរតែគ្រប់រឿង។
៤៖ សារព័ត៌មានរដ្ឋកូរ៉េខាងជើង ចេញផ្សាយឲ្យប្រជាជនរបស់ខ្លួនបានដឹងថា មេដឹកនាំកូរ៉េទាំងពីរព្រមព្រៀងបង្កើតកិច្ចប្រឹងប្រែងដើម្បីលុបបំបាត់នុយក្លេអ៊ែរទាំងស្រុងហើយ។
៥៖ ប្រធានាធិបតីចិន លោក ស៊ី ជិនពីង នាំនាយករដ្ឋមន្ត្រី ឥណ្ឌាដើរលេងមាត់បឹង និងពិភាក្សាគ្នាយ៉ាងជិតស្និទ្ធ។
៦៖ អូស្ត្រាលីគ្រោងបញ្ជូនយន្តហោះយោធា ទៅល្បាតនាវាកូរ៉េខាងជើង ក្រែងលោឃើញទង្វើជួញដូរទំនិញខុសច្បាប់។
៧៖ យុទ្ធនាការឃោសនាបោះឆ្នោតនៅម៉ាឡេស៊ី ចាប់ផ្តើមជាផ្លូវការហើយ ដោយមានរយៈពេល១១ថ្ងៃ។
