(ពិភពលោក)៖ នៅថ្ងៃសៅរ៍ ទី០៧ ខែមេសា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ អាកាសយានដ្ឋានខេត្ត Aceh ឥណ្ឌូណេស៊ី ផ្អាកដំណើរការ ដោយសារឥទ្ធិពលនៃភ្នំភ្លើង Sinabung កំពុងពុះកញ្ជ្រោល។
២៖ កិច្ចព្រមព្រៀងយោធា សហរដ្ឋអាមេរិក-ហ្គាណា កំពុងបង្កការខឹងសម្បារ និងគំរាមធ្វើបាតុកម្ម ក្នុងប្រទេសតំបន់អាហ្វ្រិកមួយនេះ។
៣៖ យន្តហោះសម្ងាត់ X37B នៃទ័ពអាកាសអាមេរិក ចល័តនៅទីអវកាសលើស ២០០ថ្ងៃហើយ តែមិនដឹងថាមានគោលដៅអ្វី។
៤៖ Facebook ប្រើកណ្តាប់ដៃដែក បិទ Page ក្រុមហ៊ុនប្រឹក្សានយោបាយឈ្មោះ AggregateIQ របស់កាណាដា ដោយសង្ស័យជាប់ពាក់ព័ន្ធការបែកធ្លាយ ទិន្នន័យសម្ងាត់អ្នកប្រើប្រាស់។
៥៖ តំណាងរាស្ត្រអាមេរិកមួយរូបទៀត បង្ខំចិត្តលាលែងពីតំណែង ក្រោយរងការស៊ើបអង្កេត ករណីបៀតបៀនផ្លូវភេទ។
៦៖ គ្រោះថ្នាក់រថភ្លើងនៅក្រុង Ngawi ក្នុងខេត្ត Java ខាងកើត ប្រទេសឥណ្ឌូណេស៊ី ផ្តាច់ជីវិតមនុស្ស០២នាក់។
៧៖ ជនស៊ីវិល០៥ស្លាប់និង៣០នាក់របួស ក្នុងការវាយប្រហារដោយគ្រាប់ផ្លោងពីក្រុមឧទ្ទាម នៅក្នុងទីក្រុងដាម៉ា់ស់ ប្រទេសស៊ីរី៕
