(ពិភពលោក)៖ នៅថ្ងៃសុក្រ ទី០៦ ខែមេសា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ សហរដ្ឋអាមេរិក ប្រកាសយល់ព្រមលក់ប្រព័ន្ធកាំភ្លើងធំតម្លៃ ១.៣ពាន់លានដុល្លារ ដល់អារ៉ាប៊ីសាអូឌីត។
២៖ ប្រធានាធិបតីរុស្ស៊ី វ៉ាឌីមៀ ពូទីន ទទួលយកការអញ្ជើញឲ្យទៅទស្សនកិច្ចនៅទីក្រុងប៉េកាំង នៅខែមិថុនាខាងមុខ ក្នុងជំនួបជាមួយលោក វ៉ាង យី ដែលជាក្រុមប្រឹក្សារដ្ឋចិន និងជារដ្ឋមន្រ្តីការបរទេសចិន។
៣៖ ការសងសឹកគ្នារវាងមហាយក្សចិន និងសហរដ្ឋអាមេរិក កាន់តែធ្ងន់ធ្ងរខ្លាំងឡើង ខណៈលោក ត្រាំ ប្រកាសពីលើយន្តហោះ Air Force One ចង់ស្នើឲ្យបន្ថែមពន្ធទៀត ទៅលើទំនិញនាំចូលពីចិនដែលមានទំហំ១០០ពាន់លានដុល្លារ។
៤៖ តុលាការប្រេស៊ីល ប្រាប់ទៅអតីតប្រធានាធិបតី លោក លូឡា ដឺ ស៊ីលវ៉ា៖ ព្រមប្រគល់ខ្លួនតាមសម្រួល ឬចង់ឲ្យប៉ូលិសចូលទៅចាប់ខ្លួន។
៥៖ នាយករដ្ឋមន្ត្រីម៉ាឡេស៊ី ប្រកាសនឹងរំលាយសភានៅថ្ងៃស្អែក ដើម្បីត្រៀមរៀបចំការបោះឆ្នោតមិនឲ្យលើសពី៦០ថ្ងៃឡើយ។
៦៖ តុលាការកូរ៉េខាងត្បូង កាត់ទោស លោកស្រី ផាក គឺនហេ ដាក់ពន្ធនាគារ ២៤ឆ្នាំ និងពិន័យជាប្រាក់ ១៧លានដុល្លារ។
៧៖ ជនជាតិប៉ាឡេស្ទីន គ្រោងប្រមូលផ្តុំគ្នាតវ៉ាម្តងទៀត នៅថ្ងៃសុក្រនេះ ទោះបីអ៊ីស្រាអែល ព្រមានបង្ក្រាបយ៉ាងចាស់ដៃ៕
