(តេហេរ៉ង់)៖ ប្រមុខការងារពារអ៊ីរ៉ង់ នឹងចេញដំណើរទៅ​បំពេញទស្សនកិច្ចនៅរុស្ស៊ី នាសប្តាហ៍​ក្រោយនេះ ដើម្បីចូលរួម​សន្និសីទ​លើកទី ៧ ស្តីពីសន្តិសុខ​​អន្តរជាតិ (MCIS) នៅទីក្រុង​ម៉ូស្គូ។ នេះបើតាមការ​ចេញផ្សាយដោយ ទីភ្នាក់ងារ​ព័ត៌មាន​ចិន ស៊ីនហួរ នាល្ងាច​ថ្ងៃពុធ ទី២៨ ខែមីនា ឆ្នាំ២០១៨។

ដំណើរទស្សនកិច្ច​របស់រដ្ឋមន្ត្រីការពារជាតិ​អ៊ីរ៉ង់ លោក អាមើ ហាតាមី (Amir Hatami) ខាងលើនេះ គឺតបតាមការ​អញ្ជើញពីសំណាក់ រដ្ឋមន្ត្រីការពារជាតិ​រុស្ស៊ី លោក ស៊ឺហ្កៃ សយហ្កូ (Sergey Shoygu) ចំពោះមុខភាពតាន​តឹងនានាក្នុងតំបន់ ជាពិសេស​បណ្តា​ប្រទេស​មជ្ឈិមបូព៌ា ដែលកំពុងតែសំឡឹងមើលសកម្មភាពនានារបស់អ៊ីរ៉ង់ មិនដាក់ភ្នែក និងសង្គ្រាមការទូតរវាងរុស្ស៊ី ជាមួយ​បណ្តាប្រទេស​លោក​ខាងលិច។

គួរបញ្ជាក់ថា សន្និសីទ​ទីក្រុងម៉ូស្គូ​លើកទី ៧ ស្តីពីសន្តិសុខ​អន្តរជាតិ នឹងត្រូវប្រារព្ធ​ឡើង​ពីថ្ងៃទី០៤ ដល់​ទី០៥ ខែមេសា ខាងមុខនេះ ដោយនឹង​មានរដ្ឋមន្ត្រី​ការពារជាតិនានា មកពីបណ្តាប្រទេស​សរុបចំនួន​ជាង ៨០ ចូលរួម៕