(ប៉េកាំង)៖ ប្រធានក្រុមប្រឹក្សារដ្ឋចិន លោក យ៉ាង ជាឈី (Yang Jiechi) ត្រូវបានសារព័ត៌មាន​​នានាចេញផ្សាយ​ថា លោកនឹងបំពេញ​ទស្សនកិច្ចនៅប្រទេស​កូរ៉េខាងត្បូង ចាប់ពី​ថ្ងៃទី២៩ ដល់ ៣០ ខែមីនា ខាងមុខ​នេះ។ នេះបើតាមការ​ចេញផ្សាយ​ដោយ សារព័ត៌មាន Bloomberg នារសៀល​ថ្ងៃពុធ ទី២៨ ខែមីនា ឆ្នាំ២០១៨។

គំរោង​ធ្វើទស្សនកិច្ចនេះ គឺហាក់ដូចជាត្រូវ​ប្រកាសចេញភ្លាមៗ បន្ទាប់ពីប្រធានាធិបតី​លោក ស៊ី ជិនពីង បានបញ្ចប់ការ​ទទួលស្វាគមន៍ និងជំនួបពិភាក្សា​លើកដំបូងបំផុត ជាមួយគណៈប្រតិភូ​កូរ៉េខាងជើង ដឹកនាំដោយ​លោក គីម ជុងអ៊ុន នៅក្នុងទីក្រុង​ប៉េកាំង ដែលបាន​បញ្ចប់​កាលពីល្ងាច​ថ្ងៃអង្គារ ម្សិលមិញនេះ។ សម្រាប់​ចេតនា នៃការបំពេញ​ទស្សនកិច្ច​យ៉ាង​ឆាប់រហ័សទៅ​កូរ៉េខាងត្បូង ពីសំណាក់​​មន្ត្រីជាន់ខ្ពស់ចិនខាងលើនេះ គឺមិនទាន់មាន​ការបញ្ជាក់​ឲ្យច្បាស់លាស់​នោះឡើយ៕