(ពិភពលោក)៖ នៅថ្ងៃសុក្រ ទី២៣ ខែមីនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ត្រីបាឡែនប្រមាណ១៥០ក្បាល ត្រូវគេប្រទះឃើញមកនៅទើលើឆ្នេរសមុទ្រ ភាគខាងលិចប្រទេសអូស្រ្តាលី។
២៖ តុលាការកូរ៉េខាងត្បូង បានសម្រេចចិត្តចេញដីកាឃាត់ខ្លួន អតីតប្រធានាធិបតី លោក លី ម្យុងបាក់ (Lee Myung-bak) ពាក់ព័ន្ធនឹងបទចោទប្រកាន់ជុំវិញការប្រព្រឹត្តអំពើពុករលួយ ដែលអាចឱ្យលោកជាប់ពន្ធនាគារ៤៥ឆ្នាំ។
៣៖ សភាជាតិមីយ៉ាន់ម៉ា ត្រៀមបោះឆ្នោតជ្រើសតាំង ប្រធានាធិបតីថ្មី ក្រោយលោក U Htin Kyaw ប្រកាសលាងលែងពីតំណែង ដោយសារបញ្ហាសុខភាព។
៤៖ លោក Mark Zuckerberg ត្រូវមហាអំណាចនានា កោះហៅឲ្យចូលខ្លួនស្រាយបំភ្លឺ រឿងបែកធ្លាយព័ត៌មានអ្នកប្រើប្រាស់ Facebook ដល់ទៅ៥០លាននាក់។
៥៖ ទីបំផុតលោក ដូណាល់ ត្រាំ ប្រកាសដកតំណែង លោក McMaster ទីប្រឹក្សាសន្តិសុខជាតិ ប្រចាំសេតវិមាន។
៦៖ ព្រឹទ្ធសភាអាមេរិក អនុម័តកញ្ចប់ថវិកា១.៣ទ្រីលានដុល្លារ ដើម្បីទ្រទ្រង់ជីវិតរដ្ឋាភិបាលសហព័ន្ធ ០៦ខែ ទៅមុខទៀត។
៧៖ ប្រទេសវៀតណាម និងកូរ៉េខាងត្បូង ប្តេជ្ញាបង្កើនទំហំពាណិជ្ជកម្មរួមដល់១០០ពាន់លានដុល្លារ ខណៈលោក មូន ជែអ៊ីន កំពុងពេញទស្សនកិច្ចនៅហាណូយ៕
