(សេអ៊ូល)៖​ តុលាការកូរ៉េខាងត្បូងនាថ្ងៃព្រហស្បតិ៍នេះ​ បានចេញដីកាចាប់ខ្លួនអតីតប្រធានាធិបតីកូរ៉េខាងត្បូងលោក Lee Myung-bak ក្រោមបទចោទប្រកាន់ប្រព្រឹត្តអំពើពុករលួយ​ បន្លំពន្ធ​ និងបទចោទប្រកាន់ផ្សេងៗទៀតជាបន្តបន្ទា​ប់​ នេះបើយោងតាមសេចក្តីរាយការណ៍ភ្នាក់ងារសារព័ត៌មាន​ Yonhap news ចេញផ្សាយប៉ុន្មាននាទីមុននេះ។

លោក​ Lee​ ត្រូវបានគេចាប់ខ្លួនទៅកាន់មណ្ឌលឃុំឃាំងដែលស្ថិតនៅភាគខាងកើតទីក្រុងសេអ៊ូល​ លោកបានក្លាយជាអតីតប្រធានាធិបតីទី៤ របស់ប្រទេស​ កូរ៉េខាងត្បូងដែលត្រូវបានចាប់ខ្លួនពីបទពុករលួយបែបនេះ។

 អតីតមេដឹកនាំអភិរក្សនិយមវ័យ​ ៧៧ ឆ្នាំរូប​នេះប្រឈមមុខនឹងការចោទប្រកាន់យ៉ាងហោចណាស់​១២ករណី​ ក្នុងនោះរួមទាំងការទទួលសំណូកជាង​១១ពាន់លានវ៉ុន (១០,២​ លានដុល្លារអាមេរិក) ពីទីភ្នាក់ងារចារកម្មរដ្ឋនិងក្រុមហ៊ុនឯកជន។

 មិនតែប៉ុណ្ណោះលោក​ ក៏ត្រូវបានគេសង្ស័យថាបានកិបកេងប្រាក់ប្រមាណ៣៥​ ពាន់លានវ៉ុន​ ពីក្រុមហ៊ុនមួយដើម្បីបានការគេចវេសពីការបង់ពន្ធ។​  ក្រៅពីនេះនៅមានការចោទប្រកាន់ផ្សេងទៀត​  រួមមានការរំលោភអំណាច​  ការរំលោភលើសេចក្តីទុកចិត្ត​ និងការរំលោភច្បាប់បោះឆ្នោតជាដើម។

ប្រសិនបើគាត់ត្រូវបានលោកត្រូវកាត់ទោសអោយជាប់ពន្ធធនាគារ​មែននោះ  លោកអាចប្រឈមមុខនឹងការជាប់ពន្ធធនាគាររហូតដល់ ៤៥ ឆ្នាំ។

សូមជម្រាបថា​ លោក​ Lee ធ្លាប់ជាប្រធានាធិបតីកូរ៉េខាងត្បូង​ ចាប់ពីឆ្នាំ ២០០៨ ដល់ដើមឆ្នាំ ២០១៣។ កាលពីមុនលោកធ្លាប់ជាអភិបាលក្រុងសេអ៊ូល​ ជាតំណាងរាស្ត្រ​ និងជានាយកប្រតិបត្តិក្រុមហ៊ុន Hyundai Engineering and Construction​ ផងដែរ៕