(ពិភពលោក)៖ នៅថ្ងៃសៅរ៍ ទី១៧ ខែមីនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះ​បើ​ចង់​ដឹង​ថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ ​សូម​ទស្សនា​​​ដូច​​ខាង​ក្រោម៖

១៖ ធ្លាក់យន្តហោះ​ធុនតូច ចំលើ​លំនៅឋាន ផ្តាច់​ជីវិត​មនុស្សទាំងអស់ ១០នាក់ នៅប្រទេសហ្វីលីពីន។

២៖ ​​​សភាប្រជាជនចិន បោះឆ្នោតគំាទ្រឱ្យលោក ស៊ី ជិនពីង បន្តកាន់តំណែងប្រធានាធិបតីចិន សម្រាប់អាណត្តិទីពីរ។

៣៖ នាយករង FBI លោក McCabe ត្រូវបណេ្ដញចេញពីតំណែង ពីរថ្ងៃមុនចូលនិវត្តន៍។

៤៖ ទីបំផុត​ទីក្រុងម៉ូស្គូ ប្រកាសបណ្តេញទូត​អង់គ្លេស២៣នាក់ ចេញពី​ប្រទេស ជាការសងសឹក​​នាយករដ្ឋមន្ត្រី​អង់គ្លេសវិញ។

៥៖ អង្គការ NASA ប្រាប់ឲ្យដឹងថា កែវយឺត​អវកាស Kepler ជិតអស់​ឥន្ធនៈទ្រទ្រង់ ខណៈកែវយឺតថ្មីសម្រាប់ស្នងតំណែង កំពុងត្រូវត្រៀម​បាញ់បង្ហោះនៅខែក្រោយ។

៦៖ យន្តហោះដឹកអ្នកដំណើរខ្នាតធំស៊េរីថ្មី 737 MAX 7 របស់ក្រុមហ៊ុន Boeing បានបញ្ចប់ការហោះហើរសាកល្បងលើកដំបូង ដោយជោគ​ជ័យ។

៧៖ អតីតនាយករដ្ឋមន្រ្តីវៀតណាម លោក Phan Van Khaoi ទទួលមរណភាពក្នុងទីក្រុងហាណូយ នៅអាយុ៨៥ឆ្នាំ៕