(ម៉ានីល)៖ ប្រធានាធិបតី​ហ្វីលីពីន លោក រ៉ូឌ្រីហ្គោ ឌូតឺតេ នៅថ្ងៃពុធនេះ បាន​ប្រកាសថា លោកបាន​សម្រេចចិត្ត​លុបចោលការ ផ្ដល់សច្ចាប័ន​របស់ហ្វីលីពីន​លើលក្ខន្តិកៈទីក្រុងរ៉ូម ស្ដីពីការបង្កើត​តុលាការឧក្រិដ្ឋកម្ម​អន្តរជាតិ (ICC​)​។ សម្រេចចិត្ត​នេះ​មាន ន័យស្មើដក​សមាជិកភាព​របស់ហ្វីលពីន​ ចេញពីស្ថាប័ន​កំពូលអន្តរជាតិ​មួយនេះ។ នេះបើតាម​ការចេញផ្សាយ​ដោយ ទីភ្នាក់ងារ​សារព័ត៌មាន​ចិន ស៊ីនហួរ នៅរសៀលថ្ងៃពុធ ទី១៤ ខែមីនា ឆ្នាំ២០១៨។

នៅក្នុងសេចក្ដី​ថ្លែងការណ៍​របស់ខ្លួន ប្រធានាធិបតីហ្វីលីពីន​រូបនេះ បានគូស​បញ្ជាក់យ៉ាងដូច្នេះថា «ក្នុងនាមជា​ប្រធានាធិបតី​ហ្វីលីពីន ខ្ញុំសូមប្រកាស និងជូនដំណឹង​ជាមុនថា ហ្វីលីពី​ន​បានសម្រេច​ចិត្តថា នឹងលុបចោល ការផ្ដល់សច្ចាប័ន​របស់​ហ្វីលីពីន លើលក្ខន្តិកៈ​ទីក្រុងរ៉ូម ស្ដីពីការបង្កើត​តុលាការឧក្រិដ្ឋកម្ម​អន្តរជាតិ (ICC​)»។ តែយ៉ាង​ណាក៏ដោយ ដើម្បីដកខ្លួន​ចេញពី ICC ទីក្រុងម៉ានីល​ត្រូវប្រើពេល​យ៉ាងតិចមួយឆ្នាំ ផ្អែកលើ​​លក្ខន្តិកៈ​ទីក្រុងរ៉ូម។

គួរបញ្ជាក់ថា លោក ឌូតឺតេ ធ្លាប់បានចោទ​ប្រកាន់ ICC ថា​ត្រូវបានគេ​ប្រើប្រាស់ជា​ឧបករណ៍ប្រឆាំង​នឹងហ្វីលីពីន បន្ទាប់ក្រុម រដ្ឋអាជ្ញានៃស្ថាប័ន​មួយនេះ​ បានបើកការស៊ើប​អង្កេតបឋមប្រឆាំង​នឹងរូបលោក ពាក់ព័ន្ធនឹងការ​សម្លាប់មនុស្សក្រៅ​ប្រព័ន្ធតុលា ការនៅក្នុងសង្រ្គាមបោស​សំអាត​គ្រឿងញៀន​ នៃរដ្ឋាភិបាល​របស់លោក៕