(ពិភពលោក)៖ នៅថ្ងៃសុក្រ ទី០៩ ខែមីនា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ បេសកជនពិសេសកូរ៉េខាងត្បូង ដែលទៅបំពេញទស្សនកិច្ចនៅសហរដ្ឋអាមេរិក ប្រាប់ឲ្យដឹងថា ប្រធានាធិបតីអាមេរិក ដូណាល់ ត្រាំ យល់ព្រមទទួលជួបជាមួយមេដឹកនាំកូរ៉េខាងជើង លោក គីម ជុងអ៊ុន នៅខែឧសភាខាងមុខនេះ។
២៖ ទីបំផុត ដូណាល់ ត្រាំ ចុះហត្ថលេខាតម្លើងពន្ធនាំចូល ដែក-អាលុយមីញ៉ូម ចំពោះមុខការព្រមានវាយបក ពីបណ្តាប្រទេសធំៗ ក្នុងសកលលោក។
៣៖ យោធាលីប៊ី អំពាវនាវឲ្យជនជាតិអាហ្វ្រិកទាំងអស់ ចាកចេញពីភាគខាងកើតជាបន្ទាន់ ខណៈការបង្ក្រាបទ្រង់ទ្រាយធំនឹងផ្ទុះឡើង។
៤៖ អង្គការ NASA បញ្ចេញរូបភាពនៃភពផែនដីយើង ដែលកែវយឺតអវកាស Kepler ថតយកបានពីរយៈចម្ងាយ១៥១លានគីឡូម៉ែត្រ។
៥៖ មេដឹកនាំកូរ៉េខាងត្បូង លោក មូន ជែអ៊ីន ថ្លែងស្វាគមន៍គម្រោងកិច្ចប្រជុំកំពូលអាមេរិក-កូរ៉េខាងជើង ថាជារឿងប្រវត្តិសាស្រ្តនៃសន្តិភាពនៅឧបទ្វីបកូរ៉េ។
៦៖ បែកធ្លាយព័ត៌មានរសើបបំផុត គឺលុយអតីតមេដឹកនាំលីប៊ីលោក ហ្គាដាហ្វី ជាង១០ពាន់លានដុល្លារ បាត់ចេញពីគណនីធនាគារ ដោយមិនដឹងជាទៅណា។
៧៖ ចាប់តាំងពីលោក ស៊ី ជិនពីង ឡើងជាប្រធានាធិបតីចិន មន្ត្រីពុករលួយជាន់ខ្ពស់សរុប ១០១នាក់ ត្រូវបានបោសសម្អាត។
