(ហ្ស៊ឺណែវ)៖ ប៉ូលិសនៅក្នុងរដ្ឋធានី ប៊ឺន (Bern) នៃប្រទេសស្វីស បានបង្ខំចិត្តបិទតំបន់ជុំវិញស្ថានីយរថភ្លើងដែលកំពុងតែមមាញឹក បន្ទាប់ពីកងកម្លាំងបានប្រទះឃើញកញ្ចប់មួយដែលត្រូវបានទុកចោល និងសង្ស័យថា «ជាគ្រាប់បែកបង្កៃនៅក្នុងព្រះវិហារមួយកន្លែង» នៅក្បែរច្រកចូលស្ថានីយរថភ្លើងតែម្តង។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នាព្រឹកថ្ងៃសៅរ៍ ទី០៣ ខែមីនា ឆ្នាំ២០១៨។
ទីធ្លានៃស្ថានីយរថភ្លើងស្ថិតនៅក្នុងប្រជុំជនខាងលើនេះ ត្រូវបានបិទរយៈពេល ០៥ម៉ោង ដោយប៉ូលិសសន្មត់ថា «តំបន់នេះកំពុងរងការគំរាមដោយគ្រាប់បែក»។ ប៉ូលិសបានបញ្ចេញកម្លាំង និងឆែកមើលទីតាំងសំខាន់ៗបន្ថែមទៀតនៅជុំវិញនោះ ហើយក៏បានចាប់ខ្លួនជនសង្ស័យម្នាក់ផងដែរ ដើម្បីយកទៅធ្វើការសួរចម្លើយ ហើយបន្ថែមពីនេះស្ថានការណ៍នានាក្នុងរដ្ឋធានីប៊ឺន កំពុងតែស្ថិតនៅក្នុងភាពតានតឹងនៅឡើយ។
គួរបញ្ជាក់ថា សម្រាប់ព័ត៌មានចុងក្រោយ ក្រោយហេតុការណ៍កើតមានឡើងនៅយប់ថ្ងៃសុក្រ (ម៉ោងនៅទីក្រុងហ្ស៊ឺណែវ) នោះ ប៉ូលិសស្វីសអាចត្រឹមបញ្ជាក់ថា បុរសដែលត្រូវបានចាប់ខ្លួន គឺមានអាយុ ២១ឆ្នាំ ជនជាតិអាហ្វហ្គានីស្ថាន ដោយសាររូបគេម្នាក់នេះ ធ្លាប់បានគម្រាមបង្កៃគ្រាប់បែក កាលពីរសៀលថ្ងៃសុក្រ។ មិនទាន់មានការបញ្ជាក់នោះឡើយថា កញ្ចប់ដែលប៉ូលិសស្វីសរកឃើញនោះ ជាគ្រាប់បែកមែន ឬក៏មិនមែន៕
