(កាប៊ុល)៖ សំឡេងផ្ទុះគ្រាប់បែកយ៉ាងកក្រើក ត្រូវបានលាន់លឺនៅមុននេះបន្តិច ក្នុងតំបន់ប្រជុំដោយស្ថានទូត និងបេសកកម្មការទូត នៅកណ្តាលរដ្ឋធានីកាប៊ុល នៃប្រទេសអាហ្វហ្គានីស្ថានតែម្តង។ នេះបើតាមការចេញផ្សាយព័ត៌មានបន្ទាន់ ដោយស៊ីនហួរ នាព្រឹកថ្ងៃសៅរ៍ ទី២៤ ខែកុម្ភៈ ឆ្នាំ២០១៨។
សម្រាប់ព័ត៌មានជាបឋម គឺជនបំផ្ទុះអត្តឃាតម្នាក់បានស្លាប់ និងមនុស្សនៅជុំវិញតំបន់កើតហេតុសរុប ០៦នាក់រងរបួសធ្ងន់ និងស្រាល។ ខណៈនេះមិនទាន់មានក្រុមណាមួយចេញមុខអះអាងថា ជាអ្នកស្ថិតនៅពីក្រោយហេតុការណ៍នេះឡើយ ប៉ុន្តែទង្វើបែបនេះ ជារឿងយៗត្រូវបានបង្កឡើងដោយក្រុម ISIS និងតាលីបង់។
គួរបញ្ជាក់ថា ពេលនេះកងកម្លាំងសន្តិសុខ ត្រូវបានដាក់ពង្រាយបន្ថែម នៅជុំវិញតំបន់ដែលជាទីស្នាក់ការការទូតបរទេសជាច្រើននេះ បូករួមទាំងអគាររដ្ឋាភិបាលផងដែរ៕
