(សេអ៊ូល)៖ វាពិតជាព្រឹត្តិការណ៍ដ៏មហាកម្របំផុត ដែលអតីតបងប្អូនកូរ៉េទាំងពីរ ដែលត្រូវបានញាំញីដោយសង្គ្រាមសម្តី និងការផ្លោងគ្រាប់ តែបែរជាអាចមានឱកាសមកអង្គុយចុះពិភាក្សាគ្នា ក្នុងវិមានប្រធានាធិបតីកូរ៉េខាងត្បូង (Blue House) មិនធ្លាប់មានទាល់តែសោះហើយវាពិតណាស់ថា ត្រូវតែអរគុណដល់ព្រឹត្តិការណ៍កីឡាអូឡាំពិករដូវងា និងការបន្ទន់ឥរិយាបទរបស់រដ្ឋាភិបាលទីក្រុងព្យុងយ៉ាងបន្តិច ដើម្បីស្វាគមន៍ឆ្នាំថ្មីឆ្នាំ២០១៨ ទើបអាចឲ្យស្ថានភាពដូចពេលបច្ចុប្បន្ននេះ លេចឡើងបាន។ នេះបើតាមការដកស្រង់រូបភាព ចេញពីសារព័ត៌មានអន្តរជាតិល្បីៗលើលោក ដែលបានចោលក្រសែភ្នែក ទៅលើអ្វីដែលកំពុងតែកើតមានឡើង រវាងទំនាក់ទំនងកូរ៉េទាំងពីរ នៅព្រឹកថ្ងៃសៅរ៍ ទី១០ ខែកុម្ភៈ ឆ្នាំ២០១៨។
ងាកចេញពីការប្រកួតកីឡាអូឡាំពិកនៅទីក្រុងព្យឿងចាងបន្តិច ខាងក្រោមនេះ គឺជាបណ្តុំរូបភាពសំខាន់ៗ នៃកិច្ចពិភាក្សាប្រកបដោយបរិយាកាសស្រស់ស្រាយ ប្រៀបបីដូចបងប្អូនបង្កើត ដែលបានបែបបាក់គ្នាដោយសារការឈ្លោះទាស់ទែងរាប់សិបឆ្នាំ តែអាចមានឱកាសទុកជម្លោះមួយឡែក ហើយអង្គុយចុះពិភាក្សាគ្នា សួរសុខទុក្ខ និងរៀបរាប់ពីអ្វីដែលខ្លួនចង់និយាយដូច្នោះឯង៖
