(ពិភពលោក)៖ នៅថ្ងៃទី០៣ ខែកុម្ភៈ ខែមករា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ខ្យល់កួចវាយប្រហារខេត្ត Java កណ្តាលនៃភាគខាងលិចឥណ្ឌូណេស៊ី បណ្តាលឲ្យមនុស្សម្នាក់ស្លាប់ និងផ្ទះសម្បែង១៦១ខ្នងរងការបំផ្លិចបំផ្លាញ។
២៖ ជនសកម្មប្រយុទ្ធ៤៧នាក់ បានស្លាប់ នៅតំបន់ភាគខាងកើតនិងខាងជើង អាហ្វហ្គានីស្ថាន ក្នុងរយៈពេល២៤ម៉ោងចុងក្រោយនេះ ខណៈកងកម្លាំងរដ្ឋាភិបាល បានបង្កើនសកម្មភាពប្រតិបត្តិការយោធា ប្រឆាំងក្រុមឧទ្ទាមប្រដាប់អាវុធ។
៣៖ ក្រុមភពក្រៅកាឡាក់ស៊ី Milky Way ត្រូវបានរកឃើញជាលើកដំបូង ដោយវិធីសាស្ត្រ Micolensing ដែលជារឿងនឹកស្មានមិនដល់។
៤៖ កងទ័ពអាកាសស្វីស រកឃើញស្នាមប្រេះ លើតួយន្តហោះចម្បាំង F-18 Hornet សរុបចំនួន ០៤គ្រឿង នាំឲ្យមានការផ្អាកប្រតិបត្តិការលើយន្តហោះចម្បាំងធុននេះទាំងអស់ជាបន្ទាន់។
៥៖ ឯកអគ្គរដ្ឋទូតរុស្ស៊ីចោទ អាមេរិកប្រើលេសថា «រុស្ស៊ីគំរាមកំហែងរឹតតែខ្លាំង» ដើម្បីទៅបង្កើនឥទ្ធិពលនុយក្លេអ៊ែរខ្លួនឯង ទាំងគ្មានភស្តុតាងអ្វីសោះ។
៦៖ មានព័ត៌មានថា បុរសៗនៅថៃកំពុងរងគ្រោះ ព្រោះតែចង់បានប្រដាប់ភេទស-ស្អាត ដោយប្រើវិធីសាស្ត្រមានហានិភ័យខ្ពស់។
៧៖ មេបញ្ជាការទ័ពអាកាសអាមេរិក ធ្វើការហោះហើរយន្តហោះចម្បាំងដែលជាស្នាដៃផ្ទាល់របស់ឥណ្ឌា ក្នុងដំណើរបំពេញទស្សនកិច្ចនៅប្រទេសនេះ៕
