(គុយបា)៖ ប្រព័ន្ធផ្សព្វផ្សាយគុយបាបានឱ្យដឹងថា កូនប្រុសច្បងរបស់អតីតមេដឹកនាំគុយបា លោក ហ្វីឌែល កាស្ត្រូ (Fidel Castro) គឺ លោក ហ្វីឌែល អាន់ជែល កាស្ត្រូ ឌីយ៉ាស់ បាឡាត (Fidel Angel Castro Diaz-Balart) បានសម្រេចចិត្តធ្វើអត្ដឃាត កាលពីថ្ងៃព្រហស្បតិ៍ (ម៉ោងនៅគុយបា) បន្ទាប់ ពីជំងឺសម្ពាធផ្លូវចិត្តអស់រយៈពេលជាច្រើនខែមកនេះ។ នេះបើតាមការចេញផ្សាយដោយសារព័ត៌មាន Sputnik នៅព្រឹកថ្ងៃសុក្រ ទី០២ ខែកុម្ភៈ ឆ្នាំ២០១៨។
យោងតាមប្រព័ន្ធផ្សព្វផ្សាយគុយបា លោក Diaz-Balart មានអាយុ ៦៨ឆ្នាំ បានសម្រាកព្យាបាលនៅមន្ទីរពេទ្យ និងនៅតែបន្តទទួលការព្យាបាលក្នុងនាមជាអ្នកជំងឺ នារយៈពេលប៉ុន្មានខែចុងក្រោយនេះ។ យ៉ាងណាក៏ដោយមូលហេតុនៃការធ្វើអត្តឃាតនេះ មិនទាន់ត្រូវបានគេបញ្ជាក់លម្អិតនោះទេ ខណៈក្រុមគ្រួសាររបស់លោកនឹងរៀបចំពិធីបុណ្យសព៕
