(ពិភពលោក)៖ នៅថ្ងៃសុក្រ ទី១៩ ខែមករា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះ​បើ​ចង់​ដឹង​ថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ ​សូម​ទស្សនា​​​ដូច​​ខាង​ក្រោម៖

១៖ កីឡាករជិះស្គីជនពិការកូរ៉េខាងជើង បង្ហាញក្តីរំពឹងថានឹងដណ្តើមបានមេដាយជូនជាតិ ពេលមកប្រកួតអូឡាំពិកនៅកូរ៉េ​ខាង​ត្បូង។

២៖ ប្រទេសរុស្ស៊ី​ ចោទប្រកាន់អ៊ុយក្រែនថា កំពុងត្រៀមបំផ្ទុះសង្គ្រាម តាមរយៈការចង់រួបរួមតំបន់ជម្លោះ Donbas ឡើងវិញ។

៣៖ ស្រ្តីជនជាតិកាណាដាម្នាក់ សម្លាប់មិត្តខ្លួនឯងរួចគេចពីប៉ូលិស រហូតដល់បីឆ្នាំក្រោយទើបបែកការ និងត្រូវចាប់ខ្លួន ដោយសារ​តែ Facebook។

៤៖ សហរដ្ឋអាមេរិក ត្រូវគេរាយការណ៍ថា កំពុងគ្រោងបំពាក់គ្រាប់មីស៊ីល លើនាវាបំបែកទឹកកក ក្នុងដែនសមុទ្រអាក់ទិក ដែល​រុស្ស៊ី​ចោទថា ជាការត្រៀមធ្វើសង្គ្រាម។

៥៖ អាកាសចរណ៍ចិនចំនួនពីរ អនុញ្ញាតឲ្យអ្នកដំណើរប្រើទូរស័ព្ទ និងភ្ជាប់ WiFi លេងដោយសេរី នៅលើជើងហោះហើរទាំងអស់​។

៦៖ ផ្ទុះករណីបើករថយន្តបំបុកហ្វូងមនុស្ស ក្នុងទីក្រុងរីយ៉ូ ​ប្រទេសប្រេស៊ីល បណ្តាលឲ្យ​ទារិកាម្នាក់ស្លាប់ និងមនុស្ស១៥នាក់ រងរបួសធ្ងន់-ស្រាល។

៧៖ ក្រុមហ៊ុន Trump Organization របស់ប្រធានាធិបតី ដូណាល់ ត្រាំ រងការចោទប្រកាន់ថា មានជាប់ពាក់ព័ន្ធការ​លាង​លុយ​កខ្វក់ ជាមួយរុស្ស៊ី។