(កាហ្សាក់ស្ថាន)៖ អាជ្ញាធរកាហ្សាក់ស្ថាន នៅថ្ងៃព្រហស្បតិ៍នេះបានឱ្យដឹងថា មនុស្សយ៉ាងហោចណាស់ ៥២នាក់ បានស្លាប់បាត់បង់ជីវិត បន្ទាប់ពីរថយន្ដក្រុងដែលពួកគេធ្វើដំណើរ បានផ្ទុះឆេះនៅឯភាគពាយ័ព្យនៃតំបន់ Aktau ប្រទេសកាហ្សាក់ស្ថាន។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នៅរសៀលថ្ងៃព្រហស្បតិ៍ ទី១៨ ខែមករា ឆ្នាំ២០១៨។
យោងតាមអាជ្ញាធរកាហ្សាក់ស្ថាន មានអ្នកដំណើរតែប្រាំនាក់ប៉ុណ្ណោះ បានលោតចេញពីរថយន្ដក្រុងកំពុងឆេះទាន់ពេលវេលា។ ក៏ប៉ុន្តែមូលហេតុដែលធ្វើឱ្យរថយន្ដក្រុងនេះផ្ទុះឆេះ មិនទាន់ត្រូវបានគេកំណត់នៅឡើយទេ ហើយគេក៏ពុំប្រាកដដែលថា អ្នកដំណើរជាជនជាតិកាហ្សាក់ស្ថានទាំងអស់ ឬមកពីប្រទេសដទៃ ឬក៏យ៉ាងណានោះទេ៕
