(ម៉ានីល)៖ សាឡង់មួយ​គ្រឿងដឹកអ្នក​ដំណើរសរុប ២៥១នាក់ បានក្រឡាប់លិច​នៅឯកោះមួយ​ ស្ថិតនៅភាគខាងត្បូង​ទីក្រុងម៉ានីល នៃប្រទេសហ្វីលីពីន​ ដែលកំពុង​ទទួលរង​ឥទ្ធិពលពីព្យុះ និងភ្លៀងធ្លាក់​យ៉ាងខ្លាំង។ នេះបើតាម​ការចេញផ្សាយ​ដោយ ទីភ្នាក់ងារ​សារព័ត៌មាន Reuters​ នៅរសៀលថ្ងៃព្រហស្បតិ៍ ទី២១ ខែធ្នូ ឆ្នាំ២០១៧។

អាជ្ញាធរហ្វីលីពីនភ្លាមៗ​ក៏បានអះអាងថា មានមនុស្ស​ស្លាប់ផងដែរ ប៉ុន្តែមិនទាន់​បញ្ជាក់ចំនួន​ឲ្យច្បាស់លាស់​បានទេពេលនេះ។ សម្រាប់ព័ត៌មាន​លម្អិតបន្ថែម នឹងត្រូវចេញ​ផ្សាយនាពេលបន្ត​បន្ទាប់ទៀត៕