(តូក្យូ)៖ ក្រុមអ្នកសា្រវជ្រាវ​មកពីសាកលវិទ្យាល័យ​ទីក្រុងតូក្យូ នៅក្នុងប្រទេស​ជប៉ុន បានពិសោធន៍ឃើញ​ដោយចៃដន្យ​ នូវប្រភេទកញ្ចក់ថ្មីមួយ ដែលអាចទ្រាំទ្រ​នឹងការបែកបាក់ នៅពេលត្រូវ​បានសង្កត់​ដោយដៃ នៅឯបន្ទប់តេស្ត​សីតុណ្ហភាព។ នេះបើតាមការ​ចេញផ្សាយ​ដោយទីភ្នាក់ងារសារព័ត៌មានចិន ស៊ីនហួរ នៅរសៀលថ្ងៃពុធ ទី២០ ខែធ្នូ ឆ្នាំ២០១៧។

និស្សិតបញ្ចប់​ការសិក្សាម្នាក់ បានរកឃើញ​ប្រភេទសារធាតុ​កញ្ចក់ថ្មីនេះ នៅអំឡុងធ្វើ​ការពិសោធន៍មួយ នៅពេលដែល​លោកមានបំណង​ប្រើប្រាស់​វាជាកាវ ប៉ុន្តែបែរ​ជារក​ឃើញប្រភេទ​កញ្ចក់ដ៏រឹងមាំ និងអាចត្រឡប់​មករកភាព​ដើម បន្ទាប់ពីសង្កត់​ដោយដៃ​ទៀតផង។ ក្រុមអ្នក​ស្រាវជ្រាវ​បានបញ្ជាក់ថា សារធាតុកញ្ចក់ថ្មីនេះ​ គឺជាសារធាតុរឹងមំា​ដែលអាចធន់​នៅក្នុងបន្ទប់​ស៊ីតុណ្ហភាព។ «ខ្ញុំសង្ឃឹមថា សារធាតុកញ្ចក់​អាចជាសះដោយ​ខ្លួនឯង និង​មានភាពរឹងមាំ​នេះ អាចនឹងកា្លយ​ជាមិត្តថ្មីសម្រាប់​បរិស្ថានដែល បញ្ជៀសរាល់​ការបែកបាក់»។ នេះជាការ​លើកឡើងរបស់​និសិ្សត​បញ្ចប់ការ​សិក្សា លោក Yu Yanagisawa។

គួរបញ្ជាក់ថា នេះមិនមែន​ជាលើកទីមួយ​ឡើយ ដែលសារធាតុ​កញ្ចក់បែបនេះ​ ត្រូវបានគេ​រកឃើញ ប៉ុន្តែអ្វីគួរ​ឱ្យកត់សម្គាល់វា​ ត្រូវបានគេ​ជំរុញឱ្យយក​ទៅប្រើប្រាស់​ជាស្រី្គន​សម្រាប់ទូរស័ព្ទដៃ​ស្មាតហ្វូន៕