(បរទេស)៖ នៅថ្ងៃសៅរ៍ ទី០៩ ខែធ្នូ ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោ សូមទស្សនាដូចខាងក្រោម៖
១៖ ប៉ូឡូញត្អូញត្អែចំពោះការលក់ប្រព័ន្ធការពារមីស៊ីល Patriot របស់សហរដ្ឋអាមេរិក ថាមានតម្លៃថ្លៃជ្រុលពេក។
២៖ ចក្រភពអង់គ្លេសដែលជាសម្ព័ន្ធមិត្តអាមេរិកធំបំផុត បង្ហាញជំហរមិនគាំទ្រទីក្រុងវ៉ាស៊ីនតោន និងអះអាងថាមិនរើស្ថានទូតទៅហ្សេរុយសាឡឹមតាម លោក ដូណាល់ ត្រាំ នោះឡើយ។
៣៖ កងកម្លាំងរក្សាសន្តិភាព UN នៅកុងហ្គោ១៤នាក់ស្លាប់ និង ៥២នាក់របួស ដោយសារការវាយប្រហារពីក្រុមឧទ្ទាម។
៤៖ ផ្ទុះការបាញ់បោះទៀតជាថ្មីម្តងទៀត នៅអាមេរិក ដោយមនុស្ស០៣នាក់ស្លាប់ ក្នុងទីក្រុងហួស្តុន (Houston) រដ្ឋតិចសាស់ ខណៈខ្មាន់កាំភ្លើងគេចខ្លួនបាត់។
៥៖ ហ្វីលីពីនតាំងបញ្ឈររូបសំណាកតំណាង «ស្រ្តីទាសករផ្លូវភេទ» ដែលត្រូវបានចាប់បង្ខិតបង្ខំឲ្យបម្រើពួកទាហានជប៉ុន កាលពីសម័យសង្រ្គាមលោកលើកទី០២ នៅឯរដ្ឋធានីម៉ានីល។
៦៖ ជុំវិញករណីរំលោភសម្លាប់ និងស៊ីសាច់មនុស្សនៅឥណ្ឌា ដែលបានផ្ទុះឡើងកាលពី១០ឆ្នាំឆ្នាំ អ្នកជំនួញម្នាក់ព្រមទាំងមនុស្សជំនិតរបស់ខ្លួនម្នាក់ទៀត ត្រូវតុលាការកាត់ទោសប្រហារជីវិតដោយព្យួរ-ក។
៧៖ សេតវិមាន បញ្ជាកឲ្យដឹងថា អនុទីប្រឹក្សាសន្តិសុខជាតិ និងមន្រ្តីជំនិតប៉ុន្មានរូបទៀត របស់ប្រធានាធិបតី ដូណាល់ ត្រាំ នឹងត្រូវលាលែងពីតំណែង តាមការគ្រោងទុក នាកំឡុងដើមឆ្នាំក្រោយនេះ បន្ទាប់ពីលោក ត្រាំ កាន់តំណែងបានមួយឆ្នាំ៕
