(បរទេស)៖ នៅថ្ងៃសុក្រ ទី០៨ ខែធ្នូ ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះ​បើ​ចង់​ដឹង​ថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោ ​សូម​ទស្សនា​​​ដូច​​ខាង​ក្រោម៖

១៖ ប្រជាជនម៉ាឡេស៊ីរាប់រយនាក់ ប្រមូលផ្តុំគ្នាធ្វើបាតុកម្ម នៅខាងក្រៅស្ថានទូតអាមេរិក ដើម្បីប្រឆាំងនឹងការសម្រេចចិត្ត​របស់​ទីក្រុងវ៉ាស៊ីនតោន ដែលបានទទួលស្គាល់ទីក្រុងហ្សេរុយសាឡឹម ជារដ្ឋធានីរបស់អ៊ីស្រាអែល។

២៖ មនុស្សម្នាក់រាប់ពាន់នាក់ រួមគ្នាសម្តែងការជំទាស់ពេញទំហឹង ចំពោះការទទួលស្គាល់ហ្សេរុយសាឡឹម ជារដ្ឋធានីរបស់​អ៊ីស្រា​អែល ដែលធ្វើឡើងដោយប្រធានាធិបតី ដូណាល់ ត្រាំ នៅឯទីក្រុងគូឡាឡាំពួ។

៣៖ អតីតប្រធានាធិបតីអាហ្សង់ទីន លោកស្រី Cristina Fernadez ត្រូវចៅក្រមចេញដីកាឲ្យចាប់ខ្លួន ក្រោមកាចោទប្រកាន់ពី​ទោសបទក្បត់ជាតិ។

៤៖ កីឡាករបាល់ទាត់លំដាប់ពិភពលោក Cristiano Ronaldo ឈ្នះពានបាល់មាស Ballon d’Or ជាលើកទី៥ ស្មើកំណត់ត្រា Messi។

៥៖ ទីបំផុតអង់គ្លេសនិងសហភាពអឺរ៉ុប ឈានដល់កិច្ចព្រមព្រៀងមួយ ដើម្បីចរចាផ្តាច់ចេញពីគ្នា​ជាផ្លូវការ។

៦៖ មនុស្ស០៣នាក់ស្លាប់ ក្នុងករណីបាញ់​ប្រហារក្នុងសាលារៀននៃរដ្ឋ New Mexico នៅសហរដ្ឋអាមេរិក។

៧៖ គ្រោះរញ្ជួយដីកម្រិត៦.៦រ៉ិចទ័រ វាយប្រហារប្រជុំកោះ Micronesia ក្នុងសមុទ្រ​ប៉ាស៊ីហ្វិក មិនបានបង្កឲ្យ​មនុស្សរងគ្រោះ​ឡើយ​៕