(អាមេរិក)៖ ទីភ្នាក់ងារ​ស្ទាបស្ទង់ភូមិសាស្រ្ត​សហរដ្ឋអាមេរិក USGS បានឲ្យដឹង​នៅមុននេះ​បន្តិចថា គ្រោះ​ធម្មជាតិរញ្ជួយដីមួយ​​​មាន​កម្រិតបង្គួរ ៦.២រ៉ិចទ័រ បានអង្រួនប្រទេស​ដីកោះ ប៉ាពួញូហ្គីណេ (Papua New Guinea) ស្ថិតនៅភាគលិច​មហាសមុទ្រប៉ាស៊ីហ្វិក។ នេះបើតាម​ការចេញផ្សាយ​ដោយ ទីភ្នាក់ងារ​ព័ត៌មាន Reuters នៅរសៀល​ថ្ងៃចន្ទ ទី២៧ ខែវិច្ឆិកា ឆ្នាំ២០១៧។

គួរជម្រាបថា ភ្លាមៗបែបនេះ​ពុំទាន់មានសេចក្តីរាយការណ៍​ អំពី​ការខូចខាត និងបំផ្លិចបំផ្លាញ ឬក៏មនុស្សទទួលរងគ្រោះ ដោយសារ​​គ្រោះរញ្ជួយផែនដី​ខាងលើនេះ​នៅឡើយទេ បន្ទាប់ពីវាបាន​វាយលុកនៅ​ចម្ងាយប្រមាណ ១២៥គីឡូម៉ែត្រ ភាគខាងកើត​នៃក្រុង Rabaul ជាមួយជម្រៅ ៧០គីឡូម៉ែត្រ ពីក្រោមផ្ទៃបាតសមុទ្រ៕