(បរទេស)៖ នៅថ្ងៃសៅរ៍ ទី១៤ ខែតុលា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ គ្រោះមហន្តរាយធម្មជាតិ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ អតីតអគ្គលេខាធិការ UN លោក កូហ្វី អាណាន់ (Kofi Annan) ប្រាប់ថា ជនជាតិរ៉ូហ៊ីងយ៉ា ត្រូវត្រឡប់ទៅ​ប្រទេសមីយ៉ាន់ម៉ាវិញ។

២៖ អតីតរដ្ឋមន្រ្តីការបរទេសអាមេរិកលោក ចន ឃើរី (John Kerry) ព្រមានប្រធានាធិបតីអាមេរិក លោក ដូណាល់ ត្រាំ ថាកំពុង​ធ្វើការ​សម្រេច​ចិត្ត​ដ៏គ្រោះថ្នាក់ ចំពោះកិច្ចព្រមព្រៀងនុយក្លេអែរអ៊ីរ៉ង់។

៣៖ អតីតប្រធានខុទ្ទកាល័យសេតវិមានលោក រ៉ាយអ៊ែន ភ្រីប៊ើស (Reince Priebus) ត្រូវរដ្ឋអាជ្ញាពិសេសសួរចម្លើយ ពាក់ព័ន្ធនឹងរុស្ស៊ី លូកដៃចូលក្នុងការបោះឆ្នោតអាមេរិកឆ្នាំ២០១៦។

៤៖ អភិបាលរដ្ឋកាលីហ្វរញ៉ានៃសហរដ្ឋអាមេរិក ប្រកាសដាក់រដ្ឋក្នុងគ្រាអាសន្ន ខណៈជំងឺដ៏​កាចសាហាវមួយ​កំពុងរាតត្បាត និង​សម្លាប់​មនុស្ស ១៨នាក់។

៥៖ កងទ័ពតួកគី ចាប់ផ្តើមបោះទីតាំងអង្កេតការណ៍ ក្នុងខេត្ត Idlib ប្រទេសស៊ីរី ក្រោមក្របខណ្ឌនៃនីតិវិធីទីក្រុងអាស្តាណា (Astana)​។

៦៖ មនុស្សស្លាប់កើនដល់៨៨នាក់ ក្រោយព្យុះហ៊ឺរីខិន Harvey វាយលុករដ្ឋតិចសាស់របស់សហរដ្ឋអាមេរិក កាលពីចុងខែសីហា។

៧៖ កងទ័ពអាហ្វហ្គានីស្ថាន ផ្តាច់ជីវិតក្រុមសកម្មប្រយុទ្ធបាន៦០នាក់ អំឡុងប្រតិបត្តិការយោធាទូទាំងប្រទេស ក្នុងពេល២៤ម៉ោងចុង​ក្រោយនេះ៕