(បរទេស)៖ នៅថ្ងៃចន្ទ ទី០៩ ខែតុលា ឆ្នាំ២០១៧ ដើមសប្តាហ៍ថ្មីនេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ ហេតុការណ៍គ្រោះថ្នាក់ផ្សេងៗ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ បុរសខ្លាំងហ្វីលីពីន លោក ឌូតឺតេ បញ្ជាឲ្យដកតំណែងមេប៉ូលិសពីររូប ដោយចោទថា ជាកំពូលមេគ្រឿងញៀន!
២៖ គ្រោះរញ្ជួយដីកម្រិត ៦.៦រ៉ិចទ័រ នៅរដ្ឋ Alaska របស់អាមេរិក មិនបានបង្កការបំផ្លិចបំផ្លាញ ឬមនុស្សរងគ្រោះថ្នាក់នោះទេ!
៣៖ ក្នុងចំណោមជនជាតិរ៉ូហ៊ីងយ៉ា ដែលបានស្លាប់ក្នុងគ្រោះថ្នាក់ ក្រឡាប់លិចទូកនោះមាន ១១នាក់ជាកុមារតូចៗ!
៤៖ ព្រឹទ្ធសមាជិកមួយរូបអះអាងថា ដូណាល់ ត្រាំ កំពុងដឹកនាំអាមេរិក ឆ្ពោះទៅរកសង្គ្រាមលោកលើកទី៣ ហើយវាជារបៀបដឹកនាំ តាមបែបកម្មវិធីទូរទស្សន៍!
៥៖ លោក ដូណាល់ ត្រាំ សើចចំអកចំពោះ បណ្តាមេដឹកនាំអាមេរិកជំនាន់មុនៗ ដែលគ្មានលទ្ធភាពដោះស្រាយ បញ្ហាកូរ៉េខាងជើង ហើយលោកពិតជាសោកស្តាយខ្លាំង!
៦៖ លោក គីម ជុងអ៊ុន លើកប្អូនស្រីបង្កើតខ្លួនឯង ឡើងកាន់តំណែងធំក្នុងបក្ស ដែលនាំឲ្យអន្តរជាតិ ចាប់អារម្មណ៍យ៉ាងខ្លាំង!
៧៖ ម៉ិចស៊ីកូកើតមានបន្ទុះភ្នំភ្លើងដ៏កក្រើក ដោយកម្អែលផេះជះឡើងលើអាកាស ០២គីឡូម៉ែត្រ!
