​(ម៉ូស្គូ)៖ អាជ្ញាធររុស្ស៊ី​នៅថ្ងៃសុក្រនេះ​បានឱ្យដឹងថា មនុស្សយ៉ាងហោច​ណាស់ ១៩នាក់បានស្លាប់ និងជាច្រើននាក់​ទៀតបានរងរបួស នៅក្នុងហេតុការណ៍គ្រោះថ្នាក់រថយន្ដក្រុង​បុកជាមួយ នឹងរថភ្លើង​នៅឯតំបន់ Vladimir ស្ថិតនៅភាគខាងកើត​ទីក្រុងម៉ូស្គូ។ នេះបើតាម​ការចេញផ្សាយ​ដោយ ទីភ្នាក់ងារសារព័ត៌មាន​ចិន ស៊ីនហួរ នៅរសៀលថ្ងៃសុក្រ ទី០៦ ខែតុលា ឆ្នាំ២០១៧។

យោងតាមអាជ្ញាធរ​នៅក្នុងតំបន់ គ្រោះថ្នាក់នេះ​បានកើតឡើង​នៅម៉ោងប្រមាណ ៣៖៣៩នាទីព្រឹក (ម៉ោងនៅក្នុងតំបន់) នៅចំពេលរថយន្ដ​ក្រុងដឹកអ្នកដំណើរ​មួយគ្រឿង បានឆ្លងផ្លូវ​នៅពេល ភ្លើងចេញសញ្ញា​ពណ៌ក្រហម ពេលកំពុងមានល្បឿនលឿន ជាហេតុធ្វើឱ្យបុក​គ្នាពេញមួយទំហឹង​ នៅលើផ្លូវដែកនៃស្ថានីយ៍រថភ្លើង Pokrov។ ចំណែកឯ អ្នករងរបួសត្រូវ​បានគេបញ្ជួន​ទៅកាន់​មន្ទីរពេទ្យ ហើយ ក្រុមអ្នកស៊ើប​អង្កើតសន្និដ្ឋាន​ជាបឋមថា គ្រោះថ្នាក់នេះ​អាចបណ្ដាល​មកពីការរំលោភ​លើបទដ្ឋាន​សុវត្ថិភាព៕

{IfMobile}

{ElseMobile}

{EndIfMobile}