(វ៉ាស៊ីនតោន)៖ រដ្ឋមន្រ្តីការបរទេស​អាមេរិក លោក រ៉ិច ធីល្លឺសុន (Rex Tillerson) បានចេញមុខ​ទាត់ចោល ពាក្យចចាអារ៉ាមដែលថា រូប​លោកបាន​ប្រើពាក្យសម្តីធ្ងន់ៗ​រិះគន់លើ ប្រធានាធិបតី លោក ដូណាល់​ ត្រាំ ហើយថែម​ទាំង​ធ្លាប់​បាន​​​​ពិចារណា​លាឈប់ពី​មុខតំណែងថែមទៀតផង កាលពី​ប៉ុន្មានខែមុន។ នេះបើតាម​ការចេញផ្សាយ​ដោយ ទីភ្នាក់ងារ​ព័ត៌មានចិន ស៊ីនហួរ នៅរសៀល​ថ្ងៃព្រហស្បតិ៍ ទី០៥ ខែតុលា ឆ្នាំ២០១៧។

ថ្លែងនៅក្នុងសន្និសីទ​សារព័ត៌មានមួយ នៅឯក្រសួង​ការបរទេស​អាមេរិក លោក Tillerson បាននិយាយថា «អនុប្រធានាធិបតី​អាមេរិក លោក មៃ ភែន (Mike Pence) មិនដែលចាំ​បាច់ត្រូវនិយាយ​បញ្ចុះបញ្ចូល ឲ្យខ្ញុំនៅបន្ត​កាន់តំណែង ជាប្រមុខការទូត​អាមេរិក​នេះ​ឡើយ ដោយសារតែ​ខ្ញុំពុំធ្លាប់បាន​ពិចារណា ថានឹងដើរចាកចេញពីតួនាទី​នោះឡើយ»។

គួរបញ្ជាក់ថា សេចក្តីថ្លែងការណ៍​ខាងលើនេះ ត្រូវបានធ្វើឡើង ក្រោយពីប្រព័ន្ធ​ផ្សព្វផ្សាយអាមេរិក បានធ្វើសេចក្តី​រាយការណ៍​ថា លោក Rex Tillerson បានហៅលោក ត្រាំ ដែលជាមេដឹកនាំ​របស់ខ្លួនថាជា «មនុស្សល្ងង់ខ្លៅ​ និងឡប់សតិ» ហើយគង់តែ​បានលោក Pence ទេទើប​​លោក Tillerson ត្រូវបានបញ្ចុះបញ្ចូល​ឲ្យនៅបន្តកាន់​តំណែងជា រដ្ឋមន្រ្តីការបរទេស​នៃសហរដ្ឋអាមេរិក មកទល់​ពេលនេះ៕

{IfMobile}

{ElseMobile}

{EndIfMobile}