(បរទេស)៖ នៅថ្ងៃសៅរ៍ ទី៣០ ខែកញ្ញា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ ប្រធានាធិបតីចិន លោក ស៊ី ជិនពីង ទទួលជួបរដ្ឋមន្រ្តីការបរទេសអាមេរិក លោក រ៉ិច ធីល្លឺសុន ដែលអញ្ជើញមកបំពេញទស្សនកិច្ច​នៅឯទីក្រុងប៉េកាំង។

២៖ ទិដ្ឋភាពថ្ងៃចុងក្រោយនៃពិធីបុណ្យសាសនាហិណ្ឌូមានឈ្មោះថា «Durga Puji» របស់ឥណ្ឌា នៅឯទីក្រុង Kolkata រដ្ឋ Bengal ខាង​លិច។

៣៖ បឹង Dianchi របស់ប្រទេសចិន ដែលស្ថិតក្នុងក្រុង Kunming នៃខេត្ត Yunna ត្រូវបានបើកឲ្យប្រជាពលរដ្ឋ ធ្វើការនេសាទ​ដោយសេរី សម្រាប់​ឆ្នាំ២០១៧នេះ។

៤៖ ពិធីរំលឹកគុណ ដើម្បីសម្តែងការគោរព និងក្រាលបាច់ផ្កា ចំពោះបុព្វបុរសជាតិ ត្រូវបានធ្វើឡើងនៅទីលាន Tian'anmen Square ក្នុង​រដ្ឋធានីប៉េកាំង នាថ្ងៃបុណ្យ Martyrs' Day (បុណ្យទុក្ករបុគ្គល) លើទី០៤ របស់ប្រទេសចិន។

៥៖ មនុស្សកើនដល់ចំនួន១៤៤,០០០នាក់ ភៀសខ្លួនចេញពីភ្នំភ្លើង Agun មានកម្ពស់ជាងបីពាន់ម៉ែត្រ ដែលអាចនឹងផ្ទុះឡើង នា​ពេល​ឆាប់ៗ​ខាងមុខ ​នៅលើកោះ​ទេស​ចរណ៍​ដ៏​ល្បី​ល្បាញ «បាលី (Bali)» នៃប្រទេសឥណ្ឌូណេស៊ី។

៦៖ ចំនួនមនុស្សស្លាប់ ដោយសារគ្រោះរញ្ជួយដីកម្រិតធ្ងន់៧.១រ៉ិចទ័រ កាលពីដើមសប្តាហ៍មុន នៅម៉ិចស៊ីកូ កើនដល់៣៥៥នាក់។

៧៖ រដ្ឋមន្រ្តីសុខាភិបាលអាមេរិក លោក Tom Price សម្រេចលាឈប់ពីមុខតំណែង បន្ទាប់ពីរងការរិះគន់ធ្ងន់ៗ ពីសាធារណជន ជុំវិញ​​ការ​ធ្វើ​ដំណើរ​ដោយយន្តហោះឯកជន ដែលមានតម្លៃថ្លៃយ៉ាងញឹកញាប់៕