(បរទេស)៖ នៅថ្ងៃសុក្រ ទី២៩ ខែកញ្ញា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ ពិធីរៀបអាពាហ៍ពិពាហ៍ជាក្រុមប្រព្រឹត្តទៅ នៅក្នុងទីក្រុង Tianjin ភាគខាងជើង ប្រទេសចិន ដោយមានការចូលរួមពីគូស្នេហ៍ចំនួន​​៥០គូ។

២៖ ចិនបាញ់បង្ហោះផ្កាយរណប Yaogan-30 ចំនួន០៣គ្រឿង ដោយប្រើប្រាស់គ្រាប់រ៉ុក្កែត Long March-2C ចេញពីមជ្ឈមណ្ឌល​បាញ់​បង្ហោះផ្កាយរណប Xichang ក្នុងក្រុង Xichang នៃខេត្ត Sichuan ភាគនិរតីប្រទេសចិន។

៣៖ អគ្គលេខាធិការ UN ចេញសេចក្តីថ្លែងការណ៍ អំពីស្ថានភាពរំលោភសិទ្ធិមនុស្ស ដ៏អាក្រក់នៅរដ្ឋរ៉ាឃីន នៃប្រទេសមីយ៉ាន់ម៉ា។

៤៖ ប្រទេសចិន ដាក់ឲ្យដំណើរយន្តហោះចម្បាំងជំនាន់ថ្មី J-20 ដែលមានសមត្ថភាពបំបាំងកាយ ដែលដូចនឹងទៅ F-22 របស់​អាមេរិក។

៥៖ គ្រោងឆ្អឹងត្រីបាឡែន អាយុកាល ៣៧លានឆ្នាំ ត្រូវបានដាក់បង្ហាញ នៅក្នុងប្រទេសអេហ្ស៊ីប។

៦៖ មានសេចក្តីរាយការណ៍ព័ត៌មានថា អតីតនាយករដ្ឋមន្រ្តីថៃ លោកស្រី យីងឡាក់ ស៊ីណាវ៉ាត់ កំពុងព្យាយាមសុំសិទ្ធិជ្រកកោណ នៅចក្រភពអង់គ្លេស ខណៈកំពុងស្ថិតនៅទីក្រុងឡុងដ៍ ។

៧៖ កូរ៉េខាងជើង​ចេញផ្សាយរូបភាពផ្សេងៗ បង្ហាញពីភាពសាហាវព្រៃផ្សៃ​របស់ទាហានអាមេរិក កាលពីសម័យសង្គ្រាមកូរ៉េ៕