(ពិភពលោក)៖ នៅថ្ងៃសុក្រ ទី០៨ ខែកញ្ញា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និង​ស្ថាន​ការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ គ្រោះរញ្ជួយដីដ៏ខ្លាំងមហិកមាកម្រិត៨.០រ៉ិចទ័រ វាយប្រហារបណ្តោយឆ្នេរភាគខាងត្បូង ប្រទេសម៉ិចស៊ីកូ និងបណ្តាល​ឲ្យមនុស្សជាង៣០នាក់ ស្ថិតនៅតំបន់ក្បែរនោះបាត់បង់ជីវិត។

២៖ ព្យុះកំណាចអឺម៉ា (Hurricane Irma) បោកបក់សង្រ្គប់លើតំបន់ការីបៀន និងផ្តាច់យកជីវិតមនុស្សយ៉ាងតិច១៩នាក់ ស្របពេលដែលវា កំពុងបន្តដំណើរឆ្ពោះទៅកាន់រដ្ឋផ្លូរីដា សហរដ្ឋអាមេរិក។

៣៖ ប្រជាជនកូរ៉េខាងត្បូង ធ្វើការតវ៉ានៅក្រៅវិមានប្រធានាធិបតី Blue House ក្នុងរដ្ឋធានីសេអ៊ូល ប្រឆាំងនឹងការដាក់​ពង្រាយប្រព័ន្ធខែលការពារមីស៊ីលអាមេរិក THAAD កាលពីពេលថ្មីៗនេះ។

៤៖ ពីធីព្យុហយាត្រាយោធា ក្នុងរដ្ឋធានីប្រេស៊ីឡា នាឱកាសគម្រប់ខួប១៩៥ឆ្នាំ នៃការទទួលបានឯករាជ្យជាតិពេញលេញ របស់ប្រទេសប្រេស៊ីល។

៥៖ ទ័ពអាកាសរុស្ស៊ី វាយលុកមួយប្រាវ ផ្តាច់ជីវិតរដ្ឋមន្ត្រីសង្គ្រាម និងសមាជិកក្រុមភេរវករ ISIS សរុប៤០នាក់។

៦៖ អតីតប្រធានាធិបតីអាមេរិក០៥រូប រួមគ្នារៃអង្គាសប្រាក់​ជួយស្រោចស្រង់រដ្ឋ Texas និង Louisiana ក្រោយមហន្តរាយ នៃព្យុះហឺរីខិន Harvey។

៧៖ មន្ត្រីជាន់ខ្ពស់ UN អំពាវនាវឲ្យពិភពលោក បង្កើនការអប់រំអំពីវប្បធម៌សន្តិភាព ដល់ក្មេងៗជំនាន់ក្រោយ៕