(ពិភពលោក)៖ នៅថ្ងៃសុក្រ ទី០១ ខែកញ្ញា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ នៅសហរដ្ឋអាមេរិក មនុស្សស្លាប់សរុបកើនដល់៤៦នាក់ ក្នុងគ្រោះមហន្តរាយព្យុះកំណាចមានឈ្មោះថា ហាវី (Harvey) និងទឹកជំនន់ក្នុងរដ្ឋតិចសាស់ ដែលអាក្រក់បំផុតក្នុងប្រវត្តិសាស្ត្រ។
២៖ ទីបំផុតរដ្ឋមន្ត្រីការពារជាតិអាមេរិក James Mattis អនុវត្តន៍តាមបទបញ្ជាប្រធានាធិបតី ដូណាល់ ត្រាំ ដោយបញ្ជូនទ័ពបន្ថែមទៅអាហ្វហ្គានីស្ថាន។
៣៖ ប្រធានាធិបតីនៃជនជាតិឃើដ Massoud Barzani ឲ្យសញ្ញាថាអាចព្រមពន្យាពេល ការបោះឆ្នោតប្រជាមតិ បើសិនជាមានការធានាពី អ៊ីរ៉ាក់ អាមេរិក និងអង្គការអន្តរជាតិធំៗ។
៤៖ ខ្សែប្រយុទ្ធបាល់ទាត់ដ៏ល្បីរបស់អង់គ្លេស Wayne Rooney ត្រូវប៉ូលិសចាប់ខ្លួនពីបទបើកបរក្រោមស្ថានភាពស្រវឹង។
៥៖ ករណីពុលអាហារនៅវៀតណាម កើនឡើងទ្វេដងនៅទូទាំងប្រទេស នាំឲ្យមនុស្សស្លាប់ និងដេកពេទ្យរាប់ពាន់នាក់។
៦៖ កូរ៉េខាងជើង ទាត់ចោលសេចក្តីថ្លែងការណ៍ថ្កោលទោស របស់ក្រុមប្រឹក្សាសន្តិសុខ UN ជុំវិញការបាញ់មីស៊ីលរំលងប្រទេសជប៉ុន។
៧៖ មនុស្សម្នាជាច្រើននាក់ ចូលរួមរំលឹកខួប២០ឆ្នាំ នៃការសោយទិវង្គតរបស់ម្ចាស់ក្សត្រីយ៍អង់គ្លេស ដាយអាណា (Diana) ដោយសារគ្រោះថ្នាក់ចរាចរណ៍ដ៏រន្ធត់មួយ នៅក្នុងទីក្រុងប៉ារីស ប្រទេសបារាំង៕
