(បាងកក)៖ យោងតាមសារព័ត៌មានស៊ិនហួ ចេញផ្សាយនាយប់ថ្ងៃទី៣១ ខែសីហានេះ បានឲ្យដឹងថា ព្រះរាជពិធីបូជាសព ព្រះមហាក្សត្រថៃ ព្រះអង្គ Bhumibol Adulyadej គ្រោងនឹងធ្វើឡើង នៅខែតុលាខាងមុខ។

តាមរយៈរូបភាពបានបង្ហាញ ពីសកម្មភាពរបស់កងទ័ពថៃ ដែលបានចូលរួមហ្វឹកហាត់មួយ ដើម្បីជាការត្រៀមទុកជាមុន សម្រាប់ព្រះរាជពិធីបូជាសព របស់ព្រះអង្គ Bhumibol Adulyadej នាទីក្រុងបាងកក។
​
សូមបញ្ជាក់ថា ព្រះមហាក្សត្រប្រទេសថៃ ព្រះអង្គ Bhumibol Adulyadej បានសោយទិវង្គត កាលពីរសៀលថ្ងៃទី១៣ ខែតុលា ឆ្នាំ២០១៦ ក្នុងជន្មាយុ៨៩ ព្រះវស្សា។ នាយរដ្ឋមន្រ្តីថៃ លោក Prayut Chan-o-cha បានប្រកាសឲ្យប្រជាពលរដ្ឋថៃ ស្លៀកពាក់ខ្មៅកាន់ទុក្ខរយៈពេល១ឆ្នាំ៕