(ពិភពលោក)៖ នៅថ្ងៃព្រហស្បតិ៍ ទី៣១ ខែសីហា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកល លោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ប្រជាជនជាអាល្លឺម៉ង់ ៧០,០០០នាក់ ត្រូវបានអាជ្ញាធរគ្រោងជម្លៀសចេញពីទីក្រុងហ្វ្រេងហ្វឺត (Frankfurt) ភាគនិរតីប្រទេស បន្ទាប់ពីក្រុមជំនាញបានប្រទះឃើញគ្រាប់បែកចំនួនមួយ គ្រាប់សល់ពីសម័យសង្រ្គាមលោកលើកទី០២ ដែលមានរហស្សនាមថា «blockbuster» នៅក្នុងដីនៃទីលានការដ្ឋានមួយកន្លែង៕
២៖ ប៉ូលិសចិនបានបើកការស៊ើបអង្កេត ជុំវិញការចោទប្រកាន់ថ្មីប្រឆាំងនឹងសេដ្ឋីពាន់លានប្រចាំទីក្រុងញូយ៉ក លោក កូវ វែងគុយ (Guo Wengui) ពីបទរំលោភបំពានផ្លូវភេទ ខណៈអ្នកជំនាញខ្លះមើលឃើញថា ការចោទប្រកាន់នេះផ្ដើមចេញពីជម្លោះនយោបាយច្រើនជាង៕
៣៖ កូរ៉េខាងត្បូង និងសហរដ្ឋអាមេរិក នឹងបញ្ចប់ការធ្វើសមយុទ្ធយោធារួមគ្នាទ្រង់ទ្រាយធំប្រចាំឆ្នាំ តាមការគ្រោងទុកនៅថ្ងៃព្រហស្បតិ៍នេះ ខណៈភាពតានតឹងនៅលើឧបទ្វីបកូរ៉េ កើនឡើង ជាថ្មីក្រោយកូរ៉េខាងជើងបាញ់សាកល្បងមីស៊ីលរំលងប្រទេសជប៉ុន៕
៤៖ ប្រធានាធិបតីវេណេស៊ុយអេឡា លោក នីកូឡាស់ ម៉ាឌូរ៉ូ បានបង្គាប់ឱ្យរដ្ឋាភិបាល របស់លោកផ្ដល់ជំនួយជាង ៥លានដុល្លារអាមេរិក ជួយដល់ជនរងគ្រោះដោយសារតែខ្យល់ព្យុះ ហ៊ឺរីខិន ហាវេយ (Havey)៕
៥៖ មនុស្ស០៧នាក់បានបាត់បង់ជីវិត និង០៥នាក់ផ្សេងទៀតបានរងរបួស នៅក្នុងការវាយប្រហាររបស់ក្រុមសកម្មប្រយុទ្ធ ទៅលើភូមិមួយកន្លែងក្នុងក្រុង ម៉ងត (Maungtaw) នៃរដ្ឋ រ៉ាឃីន (Rakhine) ភាគខាងជើងប្រទេសមីយ៉ាន់ម៉ា ក្នុងអំឡុងពេលប៉ុន្មានថ្ងៃកន្លងទៅ ដែលប្រការនេះបានធ្វើឲ្យចំនួនអ្នកស្លាប់ ដោយសារតែអំពើហិង្សាប្រដាប់អាវុធ នៅក្នុងប្រទេសអាស៊ាន មួយនេះបានកើនឡើងដល់ ១១៧នាក់៕
៦៖ អគារស្នាក់នៅដ៏ចំណាស់មួយ នៅតាមដងវិថី ផាកម៉ូឌា (Pakmodia) នៃទីក្រុងម៉ុមបៃ ដ៏ធំប្រទេសឥណ្ឌាបានរលំចុះមក បណ្តាលឲ្យមានការភ័យស្លន់ស្លោ ខណៈសមត្ថកិច្ចនៅទីនោះ បានបញ្ជាក់ថា មនុស្សយ៉ាងហោចណាស់ ៤០នាក់ កំពុងជាប់ខ្លួននៅក្រោមគំនរបាក់បែក៕
៧៖ សហរដ្ឋអាមេរិក បានបញ្ជូនយន្ដហោះទម្លាក់គ្រាប់បែកយុទ្ធសាស្ត្រធុន B-1B ចំនួន០២គ្រឿងរួមទាំងយន្ដហោះប្រដេញ F-35B ០៤គ្រឿងទៅហោះឆ្វែលពីលើឧបទ្វីបកូរ៉េជាសារ ព្រមានផ្ញើជូនទីក្រុងព្យុងយ៉ាង សម្រាប់ការបាញ់សាកល្បងរយៈចំងាយមធ្យម Hwasong-12 ហោះរំលងកម្លាចប្រទេសជប៉ុនកាលពីថ្ងៃអង្គារ៕
https://theaviationist.com/wp-content/uploads/2017/03/B-1B-Lancer-with-escort.jpeg
