(បរទេស)៖ នៅថ្ងៃចន្ទ ទី២៨ ខែសីហា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាជាលំដាប់ដូចខាងក្រោម៖
១៖ រដ្ឋមន្ត្រីការពារជាតិថៃអះអាងថា លោកមិនដឹងថាលោកស្រី យីងឡាក់ ស្ថិតនៅទីណាឲ្យប្រាកដនោះទេ ខណៈបក្សភឿថៃអះអាងថា លោកស្រីស្ថិតនៅ ឌូបៃ!
២៖ លោក រ៉ូឌ្រីហ្គោ ឌូតឺតេ ថ្លែងថា ប៉ូលិសអាចបាញ់សម្លាប់ជនឆោតល្ងង់ណា ដែលព្យាយាមតដៃជាមួយសមត្ថកិច្ច!
៣៖ ទោះបីកូរ៉េខាងជើងប្រឹងបាញ់មីស៊ីលឥតឈប់ឈរ ក៏អាមេរិកនៅតែចង់អង្គុយតុចរចាគ្នា ដើម្បីដោះស្រាយបញ្ហានានា!
៤៖ សហរដ្ឋអាមេរិករងគ្រោះដោយ ព្យុះហ៊ឺរីខិនវាយលុកយ៉ាងដំណំលើរដ្ឋតិចសាស់ និងឆក់យកជីវិតមនុស្ស ០៦នាក់!
៥៖ ក្រោយករណីបុកនាវាពិឃាតអាមេរិកនៅក្បែរសិង្ហបុរី សាកសពនាវិកអាមេរិកទាំង ១០នាក់ ត្រូវបានរកឃើញហើយ!
៦៖ ប្រទេសរុស្ស៊ី កំពុងផលិតប្រព័ន្ធមីស៊ីល S-400 ជាច្រើនគ្រឿង ដើម្បីបញ្ជូនទៅដល់បណ្តាប្រទេសដែលបញ្ជាទិញ ក្នុងនោះមានតួកគីផងដែរ!
៧៖ ទីបំផុតកងទ័ពអាកាសអាមេរិកចាយលុយជិត ៧០០លានដុល្លារ ដើម្បីអភិវឌ្ឍន៍មីស៊ីលជំនួស ICBM ចាស់ ចំពោះមុខឥទ្ធិពលកាន់តែរីកធំ របស់កូរ៉េខាងជើង!
