(ពិភពលោក)៖ នៅថ្ងៃចន្ទ ទី៣១ ខែកក្កដា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ សហរដ្ឋអាមេរិក ប្រកាសថ្កោលទោសធ្ងន់ៗ ចំពោះការបោះឆ្នោតសភាធម្មនុញ្ញថ្មីនៅវេណេស៊ុយអេឡា និងព្រមានចាត់វិធានការក្តៅ ចំពោះភាពរឹងទទឹងនេះ!
២៖ លោក ដូណាល់ ត្រាំ ឌឺដងថា ចិនរកស៊ីជាមួយអាមេរិក ចំណេញលុយរាប់ពាន់លានដុល្លារ តែអត់បានជួយអាមេរិក ក្នុងការបញ្ឈប់បញ្ហាកូរ៉េខាងជើងសោះ!
៣៖ ចិនតបទៅនឹងការឌឺដងរបស់អាមេរិកវិញថា ទីក្រុងវ៉ាស៊ីនតោនមិនគួរយករឿងពាណិជ្ជកម្ម ទៅពាក់ព័ន្ធបញ្ហាកូរ៉េខាងជើងនោះឡើយ!
៤៖ មនុស្ស ១០នាក់បន្ថែមទៀតស្លាប់ ក្នុងការផ្ទុះបាតុកម្មដ៏អាក្រក់ ដោយបក្សប្រឆាំងនៅវេណេស៊ុយអេឡា អំឡុងថ្ងៃបោះឆ្នោតសភាធម្មនុញ្ញ!
៥៖ សហរដ្ឋអាមេរិក ជោគជ័យលើការតេស្តប្រព័ន្ធ THAAD រីឯកូរ៉េខាងជើងវិញ ជប់លាងអបអរជោគជ័យនៃការតេស្តមីស៊ីល ICBM!
៦៖ ប្រទេសរុស្ស៊ីប្រកាសបណ្តេញមន្ត្រីទូតអាមេរិក ៧៥៥នាក់ ចេញពីប្រទេសជាការសងសឹក!
៧៖ ជុំវិញភាពគគ្លើនជាថ្មីរបស់កូរ៉េខាងជើង អាមេរិកអះអាងថា នឹងមិនកោះប្រជុំក្រុមប្រឹក្សាសន្តិសុខ UN ឡើយ ព្រោះគ្មានប្រយោជន៍!
