(ពិភពលោក)៖ នៅថ្ងៃអង្គារ ទី២៥ ខែកក្កដា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោក ដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ជប៉ុនកំពុងស៊ើបអង្កេតរឿង នាវាចម្បាំងអាមេរិក ដែលត្រូវនាវាដឹកទំនិញហ្វីលីពីន បុកខ្ទេចមួយចំហៀង ខណៈការជួសជុលទើបរួចរាល់!
២៖ ប្រទេសវៀតណាម ព្រមបញ្ឈប់ការរុករកឧស្ម័ននៅសមុទ្រចិនខាងត្បូង ក្រោយមហាយក្សចិន ព្រមានកម្ទេចមូលដ្ឋានរុករកនោះចោល!
៣៖ ប្រធានាធិបតីវេណេស៊ុយអេឡា ចោទ CIA អាមេរិក រួមគំនិតជាមួយម៉ិចស៊ីកូ និងកូឡុំប៊ី ដើម្បីរៀបចំផែនការទម្លាក់លោកពីអំណាច!
៤៖ សហរដ្ឋអាមេរិកអំពាវនាវឲ្យអាជ្ញាធរចិន ជួយការពារជនភៀសខ្លួន ដែលបានរត់គេចចេញពីកូរ៉េខាងជើង!
៥៖ កូរ៉េខាងត្បូង អំពាវនាវឲ្យកូរ៉េខាងជើង គិតឡើងវិញឲ្យបានហ្មត់ចត់ មុននឹងចង់បាញ់តេស្តមីស៊ីលបន្ថែមទៀត!
៦៖ មន្ត្រីជាន់ខ្ពស់រុស្ស៊ី បំពេញទស្សនកិច្ចកូរ៉េខាងជើង ដើម្បីស្ទាបស្ទង់ស្ថានការណ៍ ប៉ុន្តែចម្លើយកូរ៉េខាងជើងនៅតែដដែលគឺ គ្មានថ្ងៃព្រលែងកម្មវិធីនុយក្លេអ៊ែរ!
៧៖ កងទ័ពអាមេរិកកំពុងតាមអង្កេតមើល នាវាមុជទឹកកូរ៉េខាងជើងមួយគ្រឿង ដែលចល័តខុសប្រក្រតីក្នុងសមុទ្រជប៉ុន!
