(ពិភពលោក)៖ នៅថ្ងៃសុក្រ ទី៣០ ខែឧសភា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ប្រធានាធិបតីចិន លោក ស៊ី ជិនពីង ចុះត្រួតពលកងទ័ពនៅឯមូលដ្ឋានយោធា ក្នុងទីក្រុងហុងកុង មុនគម្រប់ខួប២០ឆ្នាំនៃការវិលត្រឡប់របស់ហុងកុង មកកាន់ចិនដីគោកវិញ។
២៖ ភរិយារបស់លោក ស៊ី ជិនពីន លោកស្រី ប៉េង លីយាន់ ចុះជួបសួរសុខទុក្ខជនចាស់ជរា នៅឯមជ្ឈមណ្ឌលថែទាំចាស់ជរាមួយកន្លែង ក្នុងទីក្រុងហុងកុង។
៣៖ សភាសហព័ន្ធនៃប្រទេសអាល្លឺម៉ង់ នៅទីបំផុតសម្រេចអនុម័តគាំទ្រសេចក្តីព្រាងច្បាប់ ដែលអនុញ្ញាតឲ្យមនុស្សស្រឡាញ់ភេទដូចគ្នាអាចរៀបការដោយស្របច្បាប់បានហើយ។
៤៖ នាយករដ្ឋមន្រ្តីថៃលោក ប្រាយុទ្ធ ចាន់អូចា ចុះត្រួតពិនិត្យគុណភាពផលិតផលស្រូវអង្ករ នៅក្នុងទីក្រុងបាងកក។
៥៖ អតីតមេដឹកនាំអាមេរិកលោក បារ៉ាក់ អូបាម៉ា និងប្រធានាធិបតីឥណ្ឌូណេស៊ីលោក ចូកូ វីឌូឌូ កំពុងបើកបរកម្សាន្តក្នុងបរិមាណនៃវិមានប្រធានាធិបតីឥណ្ឌូណេស៊ី ដែលនៅទីក្រុង Bogor នៃខេត្ត West Java។
៦៖ ប្រធានាធិបតីអាមេរិកលោក ដូណាល់ ត្រាំ និងភរិយា ទទួលស្វាគមន៍ដំណើរទស្សនកិច្ចរបស់លោក មូន ជែអ៊ីន មេដឹកនាំកូរ៉េខាងត្បូងថ្មី រួមទាំងភរិយា នៅឯសេតវិមានក្នុងរដ្ឋធានីវ៉ាស៊ីនតោន ដើម្បីជួបពិភាក្សាទល់មុខគ្នាជាលើកដំបូង។
៧៖ ព្រឹត្តិការណ៍បង្ហាញម៉ូដសម្លៀកប្រពៃណីមួយ ត្រូវបានប្រារព្ធឡើង ដើម្បីអបអរសាទរទិវាសិទ្ធិនារីរបស់មីយ៉ាន់ម៉ា៕
