(ពិភពលោក)៖ នៅថ្ងៃអង្គារ ទី២៧ ខែឧសភា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ប្រធានាធិបតីសហរដ្ឋអាមេរិកលោក ដូណាល់ ត្រាំ ទទួលស្វាគមន៍ដំណើរមកដល់នៃនាយករដ្ឋមន្ត្រីឥណ្ឌាលោក ណារិនដ្រា មូឌី ដើម្បីរឹតចំណងទាក់ទងរវាងមហាអំណាចទាំងពីរ។
២៖ នាវាដឹកប្រេងថៃមួយគ្រឿង ត្រឡប់មកវិញដោយសុវត្ថិភាព ក្រោយពីត្រូវចោរប្លន់យកប្រេងអស់ ១,៥០០តោន ក្នុងដែនទឹករបស់ប្រទេសម៉ាឡេស៊ី។
៣៖ ក្រុមហ៊ុនបច្ចេកវិទ្យាយក្ស Google រងពិនិយចំនួន២.៧២ពាន់លានដុល្លារពីសហភាពអឺរ៉ុប ដោយសារល្មើសច្បាប់ប្រកួតប្រជែងទីផ្សារជុំវិញការលក់ទំនិញអនឡាញ។
៤៖ ព្យុះភ្លៀងកំពុងវាយលុកភាគខាងត្បូងប្រទេសចិន ដែលបង្កផលលំបាកខ្លាំងដល់ប្រជាជន៣.៥លាននាក់ ដោយក្នុងនោះ១០នាក់បានបាត់បង់ជីវិត និង០៤នាក់បាត់ខ្លួន។
៥៖ អគ្គនាយកដ្ឋានបង្កានិងគ្រប់គ្រងគ្រោះមហន្តរាយរបស់ប្រទេសថៃ ធ្វើការហ្វឹនហ្វឺនប្រឆាំងនឹងអំពើភេរវកម្ម នៅក្នុងរាជធានីបាងកក។
៦៖ អាជ្ញាធរថៃ កំពុងរៀបចំគំរោងយកពន្ធផ្លូវ ពីយានយន្តប្រទេសជិតខាង ដែលធ្វើដំណើរចូលមកប្រទេសថៃ។
៧៖ អង្គការ NASA ចេញមុខបកស្រាយថា ខ្លួនគ្មានគំរោងប្រកាសអំពីការរកឃើញជីវិតក្រៅភព ដូចពាក្យចចាមអារ៉ាមផ្ទុះឡើងនោះទេ៕
