(ពិភពលោក)៖ នៅថ្ងៃសៅរ៍ ទី១០ ខែឧសភា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ ព្រះច័ន្ទពេញវង់ដ៏តូចបំផុតប្រចាំឆ្នាំ២០១៧ រះនៅលើផ្ទៃមេឃនៃរដ្ឋធានី Helsinki របស់ប្រទេសហ្វាំងឡង់។

២៖ ប្រធានាធិបតីអាមេរិកលោក ដូណាល់ ត្រាំ ថ្លែងសុន្ទរកថាក្នុងសន្និសីទកាសែតមួយ នៅឯសេតវិមាន។ នាឱកាសនោះលោក ត្រាំ បាន​លើកឡើងថាអតីតនាយក FBI លោក James Comey បាននិយាយភូតកុហកពាក់ព័ន្ធបញ្ហាមួយចំនួន ក្នុងអំឡុងការផ្តល់សក្ខីកម្មរបស់លោក​​នៅចំពោះមុខព្រឹទ្ធសភាអាមេរិក។

៣៖ ប្រធានាធិបតីប្រេស៊ីលលោក Michel Temer ចូលរួមក្នុងពិធីគម្រប់ខួប១៥២ឆ្នាំ នៃសមរភូមិផ្លូវទឹកមានឈ្មោះ Riachelo នៅក្នុងរដ្ឋធានី Brasilia ស្របពេលដែលតុលាការមិនអាច​ទម្លាក់ រូបលោកចេញពី​តំណែង តាមការប្តឹងទាមទារ​ពីក្រុម​ប្រឆាំងបាន។

៤៖ ពលរដ្ឋអ៊ីស្រាអែលជាច្រើននាក់ ចូលរួមព្រឹត្តិការណ៍ប្រចាំឆ្នាំនៃពិធីអបអរមនុស្សស្រឡាញ់ភេទដូចគ្នា នៅក្នុងទីក្រុង Tel Aviv។

៥៖ ពិធីបុណ្យសព ត្រូវបានប្រារព្ធឡើង សម្រាប់បណ្តាជនរងគ្រោះ នៅក្នុងការវាយប្រហារដោយភេរវកម្ម នាពេលថ្មីៗនេះ នៅក្នុងរដ្ឋធានី​តេហេរ៉ង់នៃប្រទេសអ៊ីរ៉ង់។

៦៖ អ្នកកាន់សាសនាអ៊ីស្លាម ចូលរួមពិធីបួងសួងនាថ្ងៃសុក្រសប្តាហ៍ទីពីរ នៃខែដ៏ពិសិដ្ឋនៃបុណ្យរ៉ាម៉ាឌន នៅឯទីសក្ការៈមួយ ក្នុងទីក្រុងហ្សេ​រុយ​សាឡឹម។

៧៖ អាហ្វហ្គានីស្ថាន ប្រកាសកាន់ទុក្ខទូទាំងប្រទេស ដោយសារមានមនុស្សស្លាប់ច្រើនពេក ក្រោយការវាយប្រហារ បំផ្ទុះគ្រាប់​បែក​បន្ត​បន្ទាប់​គ្នា៕