(ពិភពលោក)៖ នៅថ្ងៃសុក្រ ទី០៩ ខែឧសភា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ទីភ្នាក់ងារអវកាសអាមេរិក NASA បង្អួតបង្ហាញគំរូដ៏អស្ចារ្យបំផុតមួយ នៃយានស្រាវស្រាវ Mars 2020 Rover នៅឯមជ្ឈមណ្ឌលអវកាស Kennedy នៃរដ្ឋផ្លូរីដា។
២៖ គណបក្សអភិរក្សនិយមរបស់ លោកស្រីនាយករដ្ឋមន្រ្តី Theresa May ឈ្នះការបោះឆ្នោតមុនអាណត្តិនៅអង់គ្លេស តែបាត់បង់សំឡេងភាគច្រើនដាច់ខាត។
៣៖ បណ្តាប្រទេសអារ៉ាប់ ចាប់ផ្តើមកត់ឈ្មោះក្រុមហ៊ុន និងបុគ្គលមួយចំនួននៅកាតា ចូលក្នុងបញ្ជីខ្មៅហើយ។
៤៖ ទីបំផុត ព្រះចៅអធិរាជប៉ុន Akihito អាចដាក់រាជ្យដោយស្របច្បាប់បានហើយ ដែលជារឿងមិនធ្លាប់មានជាង ២០០ឆ្នាំមកនេះ។
៥៖ យន្តហោះក្រុមហ៊ុន Boeing ជំនាន់ថ្មីនេះ នឹងគ្មានមនុស្សបញ្ជាទៀតទេ ហើយគ្រោងហោះសាកល្បងនៅឆ្នាំ២០១៨។
៦៖ មេដឹកនាំកំពូលអ៊ីរ៉ង់ ថ្លែងធ្ងន់ៗថា អំពើភេរវកម្មលើទីក្រុងតេហេរ៉ង់ ជាការបង្កើនភាពស្អប់ខ្ពើមចំពោះអាមេរិក និងអារ៉ាប៊ីសាអូឌីត ហើយវាមិនអាចបំផ្លាញអ៊ីរ៉ង់ឡើយ។
៧៖ អ្នកជំនាញចិន ឲ្យដឹងថាការចូលចិត្តលេងហ្គេមតាមទូរស័ព្ទដៃរបស់កងទ័ពចិន អាចបង្កហានិភ័យធ្ងន់ធ្ងរដល់សន្តិសុខជាតិ៕
