(ពិភពលោក)៖ នៅថ្ងៃព្រហស្បតិ៍ ទី០៨ ខែឧសភា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍រូប​ភាព​ប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ ការបោះឆ្នោតសភាមុនអាណត្តិនៅចក្រភពអង់គ្លេស ចាប់ផ្តើមប្រព្រឹត្តទៅហើយនៅថ្ងៃព្រហស្បតិ៍នេះ។

២៖ សាកសពមនុស្សមួយចំនួន ត្រូវបានរកឃើញ បន្ទាប់ពីយន្តហោះយោធាមីយ៉ាន់ម៉ាមួយគ្រឿង ផ្ទុកមនុស្ស​សរុប​១២២នាក់ បានបាត់ដំណឹងកាលពីថ្ងៃពុធម្សិលមិញ ទៅក្នុងសមុទ្រភាគខាងត្បូងប្រទេស៕

៣៖ ប្រធានាធិបតីអាមេរិកលោក ដូណាល់ ត្រាំ ឆ្លៀតឌឺដងអ៊ីរ៉ង់ក្នុងសាររំលែកទុក្ខ ដល់ជនរងគ្រោះដោយអំពើភេរវកម្ម បង្ក​ឲ្យ​រដ្ឋាភិបាល​អ៊ីរ៉ង់​ផ្ទុះ​កំហឹង និងទាត់ចោលភ្លាមៗតែម្តង។

៤៖ ផ្ទុះរោងចក្រកាំជ្រួចនៅឥណ្ឌា បង្កមនុស្សស្លាប់ ២៥នាក់ និង០៥នាក់របួស នៅក្នុងរដ្ឋមួយនៃភាគកណ្តាលប្រទេស។

៥៖ ក្រសួងការពារជាតិអាមេរិក អះអាងថាគ្មានគ្រាប់មីស៊ីលផ្លោងឆ្លងទ្វីបណា អាចបាញ់ចូលទឹកដីសហរដ្ឋអាមេរិកបានឡើយ។

៦៖ កូរ៉េខាងជើង បាញ់មីស៊ីលប្រឆាំងនាវាជាច្រើនគ្រាប់តម្រង់ទៅសមុទ្រជប៉ុន ប៉ុន្តែពុំបានបង្កការគំរាមកំហែលដល់ប្រទេសជប៉ុន​ឡើយ។

៧៖ អង្គការ NATO ប្រារព្ធពិធីទទួលស្វាគមន៍ប្រទេសម៉ុងតេណេហ្គោ ចូលជាសមាជិករបស់ខ្លួនជាផ្លូវការ៕