(ពិភពលោក)៖ នៅថ្ងៃព្រហស្បតិ៍ ទី០១ ខែឧសភា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ទីភ្នាក់ងារអវកាសអាមេរិក NASA ប្រកាសអំពីគំរោងបញ្ជូនយានទៅជិតព្រះអាទិត្យបំផុត ដែលនឹងផ្តល់ប្រយោជន៍ធំធេងដល់មនុស្សលោក។
២៖ ឧទ្ធម្ភាគចក្រតួកគីមួយគ្រឿង ហោះទៅទាក់ខ្សែភ្លើង ហើយធ្លាក់ បណ្តាលឲ្យយោធាសរុប១៣នាក់បាត់បង់ជីវិត។
៣៖ ប្រធានាធិបតីអាមេរិកលោក ដូណាល់ ត្រាំ ទទួលដំណើរទស្សនកិច្ចផ្លូវរដ្ឋ របស់នាយករដ្ឋមន្ត្រីវៀតណាម មកកាន់រដ្ឋធានីវ៉ាស៊ីនតោន។
៤៖ សភាអាមេរិកកោះហៅ អតីតទីប្រឹក្សាសន្តិសុខជាតិ និងមេធាវីឯកជនរបស់ លោក ដូណាល់ ត្រាំ មកសាកសួរជុំវិញសំណុំរឿងសង្ស័យនៃការជ្រៀតជ្រែកកិច្ចការបោះឆ្នោត កាលពីឆ្នាំ២០១៦ ដោយប្រទេសរុស្ស៊ី។
៥៖ យន្តហោះចម្បាំងហ្វីលីពីន ទម្លាក់គ្រាប់បែកច្រឡំ បណ្តាលឲ្យយោធា ១១នាក់ស្លាប់ ក្នុងសង្គ្រាមកម្ទេចពួកភេរវករ ភាគខាងត្បូងប្រទេស។
៦៖ ការដាក់កំហិតលើកញ្ចប់ថវិកា បង្ខំឲ្យអាមេរិកកាត់បន្ថយការប្រើប្រាស់ យន្តហោះដឹកជញ្ជូនយោធា ចំនួនពាក់កណ្តាល។
៧៖ លោក ដូណាល់ ត្រាំ លើកបញ្ហាកូរ៉េខាងជើងឲ្យវៀតណាមជួយ ទាំងដឹងថា វៀតណាមគ្មានទឹកមាត់ប្រៃ៕
