(ពិភពលោក)៖ មួយរយៈចុងក្រោយនេះ ស្ថានការណ៍អន្តរជាតិសំខាន់ៗបានកើតមានឡើង នៅពាសពេញពិភពលោក ដែលកំពុងតែបង្កជាក្តីព្រួយបារម្ភនៅឡើយ ចំពោះបណ្តាប្រទេសមួយចំនួនថា អាចនឹងកើតមានជម្លោះធ្ងន់ធ្ងរនៅថ្ងៃអនាគត។ ដូច្នេះសូមតាមទស្សនាកម្រងរូបភាពពិសេសៗ នៃព្រឹត្តិការណ៍អន្តរជាតិ ប្រចាំថ្ងៃទី០១ ខែឧសភា ឆ្នាំ២០១៧នេះ៖ ១៖ កូរ៉េខាងជើងប្រកាសថា ខ្លួននឹងបន្តអភិវឌ្ឍន៍កម្មនុយក្លេអ៊ែរ ក្នុងល្បឿនលឿនពេញទំហឹងតែម្តង ជាការឆ្លើយតបគោលនយោបាយថ្មី របស់អាមេរិក!
២៖ ប្រព័ន្ធផ្សព្វផ្សាយកូរ៉េខាងត្បូងបានព្រមានថា មាត់របស់លោក ដូណាល់ ត្រាំ អាចបំផ្លាញសម្ព័ន្ធភាពអាមេរិក-កូរ៉េខាងត្បូង ព្រោះបញ្ហាសំខាន់ពេលនេះមិនមែនរឿងលុយនោះទេ!
៣៖ ជប៉ុនចាប់ផ្តើមបង្កើនឥទ្ធិពលទ័ពឡើងវិញ ដោយដាក់ពង្រាយនាវាផ្ទុកឧទ្ធម្ភាគចក្រ ដែលអាចបញ្ចេញប្រតិបត្តិការភ្លាមៗ!
៤៖ នាវាពិឃាតមីស៊ីលរបស់ចិន ចាប់ផ្ដើមបំពេញទស្សនកិច្ចនៅហ្វីលីពីន ក្នុងន័យមិត្តភាព!
៥៖ នាយកទីភ្នាក់សម្ងាត់អាមេរិក CIA មកកូរ៉េខាងត្បូងស្ងាត់ៗ ដើម្បីប្រឹក្សាយោបល់រឿងកូរ៉េខាងជើង!
៦៖ សេតវិមានបកស្រាយថា ការអញ្ជើញមេដឹកនាំហ្វីលីពីន លោក ឌូតឺតេ មកទស្សនកិច្ចអាមេរិក គឺមានគោលដៅសំខាន់ ចំពោះដោះស្រាយបញ្ហាកូរ៉េខាងជើង!
៧៖ កែវយឺតអវកាស Hubble ថតបានរូបភាពកាឡាក់ស៊ី NGC7250 ស្ថិតនៅចម្ងាយ ៤៥លានឆ្នាំពន្លឺពីផែនដី!
