(ពិភពលោក)៖ ព្រឹត្តិការណ៍អន្តរជាតិនាពេលថ្មីៗនេះ ហាក់ដូចជាកំពុងតែទាក់ទាញចំណាប់អារម្មណ៍ខ្លាំង​ពីសំណាក់អ្នកតាមដានទស្សនា ជាពិសេសគឺភាពក្តៅគគុកនៃសង្គ្រាមពាក្យសម្តី និងសកម្មភាពនានានៅ​តំបន់ឧបទ្វីបកូរ៉េដ៏គួរឲ្យចាប់អារម្មណ៍បំផុត។ ដូច្នេះសូមតាមទស្សនាព្រឹត្តិការណ៍រូបភាពប្រចាំថ្ងៃទី១៨ ខែមេសា ឆ្នាំ២០១៧នេះដូចតទៅ៖

១៖ មន្រ្តីជាន់ខ្ពស់កូរ៉េខាងជើងអះអាងថា កូរ៉េខាងជើងនឹងបន្តបាញ់សាកល្បងមីស៊ីលជាប្រចាំសប្តាហ៍ ប្រចាំខែ និងប្រចាំឆ្នាំ!

២៖ បេសកជនកូរ៉េខាងជើងនៅ UN ព្រមាន៖ សង្រ្គាមនុយក្លេអ៊ែរ អាចនឹងផ្ទុះឡើងគ្រប់ពេលវេលាជាមួយ​សហរដ្ឋអាមេរិក ប្រសិនមានការវាយប្រហារមកលើកូរ៉េខាងជើង!

៣៖ អ្នកជំនាញមានការសង្ស័យថា ក្បួនដង្ហែគ្រាប់មីស៊ីល ដែលកូរ៉េខាងជើង​បង្ហាញពិភពលោកនោះ មួយចំនួនគឺជាអាវុធក្លែងក្លាយ!

៤៖ អនុប្រធានាធិបតីអាមេរិក លោក Mike Pence ចាប់ផ្តើមទស្សនកិច្ចនៅជប៉ុន ដោយផ្តោតលើបញ្ហាសន្តិសុខក្នុងតំបន់ និងពាណិជ្ជកម្ម!

៥៖ នាយករដ្ឋមន្រ្តីជប៉ុនអំពាវនាវឲ្យ ដោះស្រាយបញ្ហាកូរ៉េខាងជើងដោយសន្តិវិធី ខណៈអនុប្រធានាធិបតី​អាមេរិកគាំទ្រជំហរនេះ ១០០%!

៦៖ លោកស្រីនាយករដ្ឋមន្ត្រីអង់គ្លេសប្រកាសថា នឹងរៀបចំការបោះឆ្នោតសកល មុនកាលកំណត់ គឺនៅថ្ងៃទី០៨ ខែមិថុនា ដើម្បីភាពច្បាស់លាស់, ស្ថិរភាព, និងការដឹកនាំមួយដ៏ខ្លាំងក្លា!

៧៖ បេក្ខភាពប្រធានាធិបតីបារាំង លោកស្រី Le Pen នៅតែបង្ហាញឆន្ទៈយ៉ាងមុតមាំឥតរួញរា ទោះបីជាមានបាតុកម្មផ្ទុះឡើងប្រឆាំងលោកស្រីក៏ដោយ!