(វ៉ាស៊ីនតោន)៖ ព្រឹទ្ធសភាអាមេរិក​ទីបំផុតនៅថ្ងៃសៅរ៍នេះ បានសម្រេចអនុម័តទទួលស្គាល់លោក Neil Gorsuch ប្រធានតុលាការកំពូល​ពេញ​សិទ្ធិ​ហើយ បន្ទាប់ពីបេក្ខភាពរូប​នេះត្រូវបានជ្រើសរើស ដោយប្រធានាធិបតី​លោក ដូណាល់ ត្រាំ កាលពីចុងខែមករាកន្លងទៅនេះ។ នេះ​បើ​តាម​ការ​ចេញ​ផ្សាយ​ដោយសារព័ត៌មាន BBC នៅមុននេះបន្តិចនាព្រឹកថ្ងៃសៅរ៍ ០៨ ខែមេសា ឆ្នាំ២០១៧។

ព្រឹទ្ធសភាសហរដ្ឋអាមេរិក​បានធ្វើការបោះឆ្នោត​គាំទ្រ ដោយសំឡេង៥៤ ទល់នឹង៤៥សំឡេង ដើម្បីទទួលស្គាល់ជាផ្លូវការចំពោះចៅក្រមសាលាឧទ្ធរណ៍ នៃ​ទីក្រុង Denver ក្នុងរដ្ឋ Colorado លោក Neil Gorsuch គឺជាប្រធានតុលាការកំពូលនៃប្រទេសមហាអំណាចពិភពលោកមួយនេះ ចាប់ពីពេល​នេះតទៅ។

គួរបញ្ជាក់ថាលោក Gorsuch វ័យ៤៩ឆ្នាំត្រូវបានព្រឹទ្ធសភាបោះឆ្នោតទទួលស្គាល់នៅក្នុងរយៈពេល៦៥ថ្ងៃ បន្ទាប់ពីត្រូវបានជ្រើសរើស​ដោយ​មេដឹកនាំអាមេរិកលោក ដូណាល់ ត្រាំ៕