(ពិភពលោក)៖ នៅថ្ងៃសុក្រ ទី០៧ ខែមេសា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះសូមទស្សនាដូចខាងក្រោម៖
១៖ អាមេរិកបាញ់មីស៊ីលសរុបចំនួន៥៩គ្រាប់ចេញពីនាវាចម្បាំង ទៅលើមូលដ្ឋានទ័ពអាកាសមួយរបស់រដ្ឋាភិបាលស៊ីរី ដើម្បីជាការសងសឹកចំពោះការវាយប្រហារដោយអាវុធគីមី ដែលបានផ្តាច់យកជីវិតមនុស្សជាច្រើននៅក្នុងខេត្តភាគពាយ័ព្យនៃប្រទេសមជ្ឈិមបូព៌ាមួយនេះ។
២៖ មនុស្សម្នាជាង១០,០០០នាក់នាំគ្នាចូលរួមពិធីបុណ្យទឹកមួយនៅលើបឹង Qinhua ក្នុងក្រុង Qintong នៃខេត្ត Jiangsug ភាគខាងកើតប្រទេសចិន។
៣៖ ប្រធានាធិបតីអាមេរិកលោក ដូណាល់ ត្រាំ ទទួលស្វាគមន៍សមភាគីចិនលោក ស៊ី ជិនពីង និងភរិយា យ៉ាងកក់ក្តៅ ជាមួយការពិសារភោជនីយ៍អាហារពេលល្ងាចរួមគ្នា នៅឯរមណីយដ្ឋានឯកជនរបស់លោក ត្រាំ ក្នុងទីក្រុង Palm Beach នៃរដ្ឋផ្លូរីដា មុនកិច្ចប្រជុំកំពូលលើកបំដូងបំផុតរវាងមេដឹកនាំទាំងពីរ។
៤៖ មេបញ្ជាការហ្វីលីពីនម្នាក់គូសបញ្ជាក់សម្តីរបស់ប្រធានាធិបតី ឌូតឺតេ ឡើងវិញថាទីក្រុងម៉ានីលនឹងអភិវឌ្ឍន៍មូលដ្ឋានផ្សេងៗរបស់ខ្លួន នៅសមុទ្រចិនខាងត្បូង ប៉ុន្តែមិនមែនបញ្ជូនទ័ពទៅរុករានកាន់កាប់តំបន់ថ្មីនោះឡើយ។
៥៖ សត្វសុនខប៉ូលិសមួយក្បាល កំពុងទទួលការបង្វឹកនៅឯមូលដ្ឋានហ្វឹកហាត់នៃទីក្រុង Shenzhen ក្នុងខេត្តក្វាងទុង ភាគខាងត្បូងប្រទេសចិន។
៦៖ ក្រៅពីតំបន់អឺរ៉ុប អាហ្វ្រិក និងអាមេរិក ទីបំផុតចាប់ពីពេលនេះតទៅ អ្នកប្រើប្រាស់កម្មវិធីទំនាក់ទំនង Telegram នៅក្នុងប្រទេសកម្ពុជាយើងអាចប្រើប្រាស់មុខងារ Call បានហើយ។
៧៖ ប្រជាជនកំពុងជួបប្រទះភាពលំបាកលំបិន ស្របពេលដែលគ្រោះធម្មជាតិទឹកជំនន់ វាយប្រហារតំបន់កាស្មៀរនៃប្រទេសឥណ្ឌា៕
