(ហួស្តុន)៖ អ្នកបម្រើលើយន្តហោះ​បានបង្ខំជម្លៀសអ្នកដំណើរ​ទាំងអស់ ចេញពីលើ​យន្តហោះ​ដឹកអ្នក​ដំណើរមួយ​គ្រឿង ស្ថិតនៅ​អាកាសយានដ្ឋាន​អន្តរទ្វីប George Bush នៃទីក្រុងហួស្តុន រដ្ឋតិចសាស់ ភាគខាងត្បូងសហរដ្ឋអាមេរិក​បន្ទាប់ពី​បាន​ប្រទះឃើញ​ផ្សែងហុយ​យ៉ាងខ្លាំង ​ចេញពី​ផ្នែកបន្ទប់បញ្ជាការ ហោះហើររបស់​​យន្តហោះ។ នេះបើតាមការ​ចេញផ្សាយ​​នៅមុននេះបន្តិច​​ ដោយទីភ្នាក់ងារ​​ព័ត៌មាន​ចិន​ស៊ិនហួរ នារសៀលថ្ងៃសៅរ៍ ទី៣១ ខែធ្នូ ឆ្នាំ២០១៦។

តាមការអះអាង​របស់ពីឡុត​នៅលើយន្តហោះ​ខាងលើនេះ យន្តហោះទំនងជា​បានឆាបឆេះ​ត្រង់ចំណុច​ណាមួយដែលតម្រូវ ​ឲ្យមានការចាត់វិធាន​ការការពារសន្តិសុខ​ជាបឋម។ ក្រោយកើតហេតុ​យន្តហោះ​​​​ខាងលើនេះត្រូវបាន​គេយកទៅកាន់​បន្ទប់ត្រួតពិនិត្យឡើងវិញ ហើយអ្នកដំណើរទាំងអស់​ត្រូវបានផ្ទេរទៅកាន់យន្តហោះ ផ្សេងដើម្បីធ្វើដំណើរបន្ត ដោយពួកគេមិនបានរងគ្រោះអ្វីឡើយ។

ដោយឡែកសម្រាប់ព័ត៌មានស្តីពីចំនួនអ្នកដំណើរ និងឈ្មោះក្រុមហ៊ុនអាកាសចរណ៍ខាងលើនេះ ក៏មិនមាននរណាបញ្ជាក់នោះដែរ៕