(តៃវ៉ាន់)៖ ​ការិយាល័យឧតុនិយមតៃវ៉ាន់ បានឱ្យដឹងថា គ្រោះរញ្ជួយដីកម្រិត ៥.‌១ រិចទ័រ ដែលបានវាយប្រហារមកលើ តំបនឆ្នេរភាគអាគ្នេយ៍នៃកោះតៃវ៉ាន់ នៅថ្ងៃព្រហស្បតិ៍ ម៉ោងប្រមាណជា ១០៖១៤ នាទីយប់ (ម៉ោងនៅក្នុងតំបន់)គឺ មានចំណុចរញ្ជួយកណ្ដាលស្ថិតចំងាយ ១៧,៧គីឡូម៉ែត្រ ពីភាគឦសានៃ ទីក្រុង Taitung ព្រមទំាងមានជំរៅរញ្ជួយ ១៦,៨គីឡូម៉ែត្រទៅក្នុងដី។ នេះបើតាមការចេញផ្សាយដោយសារព័ត៌មាន People News នៅថ្ងៃសុក្រ ទី១៦ ខែធ្នូ ឆ្នាំ២០១៦។​

ប្រភពដដែលបានបញ្ជាក់ដែរថា គ្រោះរញ្ជួយដីនេះ ដំបូងឡើយមានកម្លំាងរញ្ជួយ៥.១ រិចទ័រ ប៉ុន្តែក្រោយមកបានធ្លាក់ ចុះមកនៅត្រឹម ៤រិចទ័រ និង៣ រិចទ័រ​នៅកណ្ដាលទីក្រុង Taitung ខណៈកំរិត២រិចទ័រ ក៏ត្រូវបានគេរាយការណ៍ផងដែរ  នៅទីក្រុង Pingtung។​

គួរបញ្ជាក់ថា មកទល់នឹងពេលនេះ មិនទាន់មានរបាយការណ៍អំពីការខូចខាតនិងចំនួនជនរងគ្រោះនៅឡើយទេ។