(​វ៉ាស៊ីនតោន)៖ អនាគតប្រធានាធិបតីសហរដ្ឋអាមេរិកទី៤៥ លោក Donald Trump បានសម្រេចចិត្តតែងតាំងអភិបាល រដ្ឋ South Carolina លោកស្រី Nikki Haley​ ជាអគ្គរដ្ឋទូតអាមេរិកប្រចាំ អង្គ​ការសហប្រជាជាតិ ដែលនឹងត្រូវមកជំនួសតំណែងអគ្គរដ្ឋទូតបច្ចុប្បន្ន លោកស្រី Samantha Power។ នេះបើតាមការចេញផ្សាយ របស់សារព័ត៌មាន BBC នៅថ្ងៃពុធ ទី២៣ ខែវិច្ឆិកា ឆ្នាំ២០១៦។

លោកស្រី Nikki Haley មានអាយុ៤៤ឆ្នាំ ជាជនជាតិឥណ្ឌា សញ្ជាតិអាមេរិក ត្រូវបានគេចាត់ទុកថាជា ស្ត្រីជនភៀសខ្លួនដំបូងគេបំផុត​ក្នុងនាមជា អភិបាលរដ្ឋ South Carolina ហើយមិនតែប៉ុណ្ណោះលោកស្រីក៏ជា មនុស្សម្នាក់ដែលធ្លាប់រិះគន់លើលោក Trump ផងដែរ កាលនៅអំឡុងយុទ្ធនាការបោះឆ្នោតជ្រើសរើសបេក្ខភាព ប្រធានធិបតីនៅក្នុងជួរគណបក្សសាធារណរដ្ឋ ដោយលោកស្រីជាអ្នកគាំទ្រ លោក Ted Cruz ជាគូប្រជែងរបស់លោក Trump។

សូមជំរាបថា លោកស្រី Nikki Haley បានប្រកាន់ជំហរជំទាស់យ៉ាងខ្លំាងនឹងគោលនយបាយទទួលយកជនភៀសខ្លួនស៊ីរី នៃលោក បារ៉ាក់ អូបាម៉ា នៅក្នុងរដ្ឋ​ South Carolina៕